2030 جىلدارى سيفرلىق زاڭگەر، كيبەرادۆوكات، كيبەرتەرگەۋشى سياقتى ماماندىقتار پايدا بولماق.
ەلەكتروندى ەڭبەك بيرجاسى الداعى جىلدارى جاڭا ماماندىقتاردىڭ پايدا بولاتىنىن بولجاپ وتىر، دەپ حابارلايدى Almaty-akshamy.kz Ranking.kz سايتىنا سىلتەمە جاساپ.
قازاقستانداعى اقپارات جانە بايلانىس سالاسىندا 2021 جىلدىڭ ءبىرىنشى توقسانىندا 162،3 مىڭ ادام جۇمىس ىستەدى. بۇل وتكەن جىلعى كورسەتكىشتەرمەن سالىستىرعاندا 2،6%-عا كوپ.
بۇل سالادا جۇمىس ىستەگەندەردىڭ باسىم كوپشىلىگى الماتى (39 مىڭ ادام)، نۇر-سۇلتان (32،6 مىڭ ادام) جانە شىمكەنت (11،8 مىڭ ادام) قالالارىنىڭ تۇرعىندارى بولىپ كەلەدى.
بۇل سالادا جۇمىس ىستەيتىندەردىڭ ەڭ از سانى - 25 مىڭ ادام قىزىلوردا وبلىسىندا تىركەلگەن. بۇل باسقا ايماقتارمەن جانە 2020 جىلدىڭ ءبىرىنشى توقسانىمەن سالىستىرعاندا 18،4%-عا از.
بۇل سالاداعى جالاقى مولشەرى 328،1 مىڭدى تەڭگەنى قۇرادى. وتكەن جىلمەن سالىستىرعاندا 7،4%-عا كوپ.
ال ساتىپ الۋ قابىلەتىنىڭ ناقتى ءوسۋى 2020 جىلدىڭ ءبىرىنشى توقسانىمەن سالىستىرعاندا 0،1% قۇرادى. بۇل سەكتوردا ەڭ جوعارى جالاقىنى كومپيۋتەرلىك باعدارلامالاۋ سالاسىنىڭ ماماندارى، كەڭەس بەرەتىن جانە وزگە دە قىزمەت كورسەتەتىن ماماندار الادى (354،6 مىڭ)، ەڭ تومەنگى جالاقىنى كينو، تەلەباعدارلاما تۇسىرۋشىلەر، مۋزىكا جازۋشىلار (218،1 مىڭ تەڭگە) الادى.
بايلانىس سالاسىنىڭ ماماندارى 345 مىڭ تەڭگە، باسپا سالاسىنىڭ قىزمەتكەرلەرى 339،6 مىڭ تەڭگە، تەلەباعدارلاما جاساۋشىلار 267،8 مىڭ تەڭگە، اقپاراتتىق قىزمەت ماماندارى 258،6 مىڭ تەڭگە كولەمىندە جالاقى الادى.
ورتا ەسەپپەن العاندا، قازاقستان وڭىرلەرى اراسىندا نۇر-سۇلتان مەن الماتى قالالارىنداعى اقپارات جانە بايلانىس سالاسىنىڭ مامانداردىڭ تابىسى كوپ. ال ەڭ از تاباتىندار - تۇركىستان وبلىسىنداعى ماماندار، ولاردىڭ جالاقىسى 118،4 مىڭ تەڭگەنى قۇرايدى.
ەلەكتروندى ەڭبەك بيرجاسىنىڭ ماماندار اتلاسى الداعى ۋاقىتتا IT سالاسىندا جاڭا 40 ماماندىق پايدا بولاتىنىن، 6 ماماندىقتىڭ ترانسفورماسياعا ۇشىرايتىنىن جانە 9 ماماندىقتىڭ جويىلاتىنىن بولجاپ وتىر.
سالالىق ساراپشىلاردىڭ دەرەگى بويىنشا، 2030 جىلى قولداۋ قىزمەتىنىڭ ساراپشىسى، call-ورتالىق وپەراتورى، web-پاراقشا جاساۋشىلار، سيفرلىق اقپاراتتى وڭدەۋشى ماستەر سياقتى ماماندار بولمايدى.
جاڭادان پايدا بولاتىن ماماندىقتاردىڭ اراسىندا ءقازىردىڭ وزىندە DevOps-ينجەنەرىنە سۇرانىس جوعارى. 2020 جىلى IT-ەكوجۇيەسىنىڭ ساۋلەتشىسى، MVP-manager، product-manager، R&D-manager سياقتى ماماندىقتار پايدا بولادى دەگەن بولجام جاسالعان.
مامانداردىڭ ايتۋىنشا، 2030 جىلى سيفرلىق زاڭگەر، كيبەرادۆوكات، كيبەرتەرگەۋشى سياقتى ماماندار پايدا بولادى. 2040 جىلى، الدىن الا جاسالعان بولجام بويىنشا، ينجەنەر-كيبورگيزاتور جانە كيبورگيزاسيا بويىنشا ينسترۋكتورلار كەرەك بولادى.