ل.ن. گۋميليەۆ اتىنداعى ەۇۋ عالىمدارى وندىرۋشىلەرمەن بىرلەسە فوتوەلەكتر جۇيەلەرىنە ارنالعان كابەلدەردىڭ العاشقى قازاقستاندىق ءوندىرىسىن وڭ جولعا قويدى.
رادياسيالىق موديفيكاسيالانعان وقشاۋلاۋى بار يننوۆاسيالىق ءونىمنىڭ جاڭا جەلىسىن ساتىپ الۋعا كەلىسىم-شارت وزبەكستانمەن جاسالدى. كۇن باتارەيالارىنىڭ قۇرىلىسىنا ارنالعان قازاقستاندىق كابەلدىك-وتكىزگىش ءونىمنىڭ العاشقى لەگى كورشى ەلگە جەتكىزىلدى، دەپ حابارلايدى Almaty-akshamy.kz ق ر عىلىم جانە جوعارى ءبىلىم مينيسترلىگىنە سىلتەمە جاساپ.
عىلىم مەن ءوندىرىستىڭ ساباقتاستىعى ناتيجەسىندە قازاقستان نارىعىنا العاش رەت رادياسيالىق تىگىلگەن وقشاۋلاعىشى بار وتاندىق كابەلدىك-وتكىزگىش ءونىمنىڭ جاڭا ءتۇرى شىعارىلدى. ەۇۋ جانىنداعى «يادرولىق تەحنولوگيالار پاركى» اق عالىمدارى فوتوەلەكتر جۇيەلەرىنە ارنالعان كابەلدەردى ازىرلەۋ تەحنولوگياسىن جاساپ، ونىڭ پايدالانۋ قاسيەتتەرىن، ونىڭ ىشىندە ىستىققا توزىمدىلىگىن جاقسارتتى. يننوۆاسيالىق ءونىم بالامالى ەنەرگيا كوزدەرى سالاسىندا قولدانۋعا ارنالعان.
«ءبىز بۇرىن قازاقستاندا كابەل ونىمدەرىن وندىرۋدە قولدانىلماعان رادياسيالىق تىگۋ تەحنولوگياسىن قولدانامىز. توتىعۋ دەگراداسياسىنا جول بەرمەۋ ءۇشىن وڭدەۋ ينەرتتى ورتادا جۇرگىزىلەدى. بۇل ءوندىرىس ءادىسى ءبىزدىڭ ەلدە قولدانىلمايدى. ءبىز ەلۆ-4 ەلەكتروندى ۇدەتكىشىندە قورعانىش ورتادا كابەل ونىمدەرىنىڭ پوليمەرلى وقشاۋلاۋىن موديفيكاسيالاۋ جوباسىن «قازەلەكتروماش» ج ش س بىرلەسە جۇزەگە اسىرىپ جاتىرمىز. قىسقا تۇيىقتالۋ كەزىندەگى تەرميالىق تۇراقتىلىقتىڭ جوعارى توگى، تومەن زاقىمدانۋ جانە تومەن گيگروسكوپيالىق، كابەلدىك بۇيىمداردىڭ ۇلكەن قۇرىلىس ۇزىندىعى مەن تومەن سالماعى، جۇمىس رەجيمىندەگى وقشاۋلاۋدىڭ رۇقسات ەتىلگەن تەمپەراتۋراسىنىڭ جوعارىلاۋىنا بايلانىستى جۇكتەمە قابىلەتىنىڭ جوعارىلاۋى – بۇل ءبىزدىڭ ءونىمنىڭ ايرىقشا ەرەكشەلىكتەرىنىڭ ءبىر پاراسى عانا»، - دەپ اتاپ ءوتتى «يادرولىق تەحنولوگيالار پاركى» اق جوبالاۋ توبىنىڭ باستىشىسى، «BETA IZOL» ج ش س ديرەكتورى ازات نۇرقاسىموۆ.
فوتوەلەكتر جۇيەلەرىنە ارنالعان كابەلدى ەۇۋ جانىنداعى «يادرولىق تەحنولوگيالار پاركى» اق جانە «قازەلەكتروماش» ج ش س بىرلەسە قۇرعان «BETA IZOL» ستارتاپ-كومپانياسى شىعارادى. جوبالىق قۋاتتىلىعى 15 مىڭ شاقىرىمعا دەيىنگى كابەلدىك-وتكىزگىش ونىمدەردى قۇرايدى. بۇگىنگى تاڭدا كورشى ەلدەر وتاندىق كابەلدى ساتىپ الۋعا ۇلكەن قىزىعۋشىلىق تانىتىپ وتىر. ەلەكتر ستانسياسىن سالۋ ءۇشىن ءونىمدى جەتكىزۋگە العاشقى كەلىسىمشارتقا وزبەكستاندىق كومپانيامەن قول قويىلدى.
ايتا كەتۋ كەرەك، 2022 جىلى «يادرولىق تەحنولوگيالار پاركى» اق ەۇۋ قۇرامىنا قوسىلدى. ۋنيۆەرسيتەت ءبىرىنشى كەزەكتە اكسيونەرلىك قوعامدى دامىتۋ باعدارلاماسىن قابىلدادى. قۇجات «يادرولىق تەحنولوگيالار پاركى» اق يننوۆاسيالىق ونىمدەردى كوممەرسيالاندىرۋ الاڭىنا اينالدىرۋعا باعىتتالعان.