ەلىمىزدە شەتەلدىك جۇمىس كۇشىن كىمدەر پايدالانادى؟

شەتەلدىكتەردىڭ باسىم بولىگى قۇرىلىس سالاسىندا جۇمىس ىستەيدى. 

2023 جىلعى 1 ناۋرىزداعى جاعداي بويىنشا، ەلىمىزدە 13 403 شەتەل ازاماتى ەڭبەك ەتەدى، دەپ  almaty-akshamy.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.

"شەتەل جۇمىس كۇشىن تارتۋعا رۇقساتتاردىڭ اراسىندا مىناداي ساناتتار بار: باسشىلار مەن ولاردىڭ ورىنباسارلارى ءۇشىن 565 رۇقسات (ءبىرىنشى سانات)، قۇرىلىمدىق بولىمشەلەردىڭ باسشىلارى ءۇشىن 2 966 رۇقسات (ەكىنشى سانات). تارتىلعان شجك نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە ولار 7 199 جانە 883 ادام. سونداي-اق ماۋسىمدىق جۇمىستارعا 391 ادام، ال كورپوراتيۆتىك اۋىستىرۋ اياسىندا 1 399 ادام تارتىلدى"، - دەلىنگەن حابارلامادا.

ەلىمىزدە شەتەلدىك جۇمىس كۇشىن پايدالاناتىن 1 640 جۇمىس بەرۋشى بار. ولاردا قىزمەتكەرلەردىڭ جالپى سانىنىڭ 96%-ىن (409 مىڭنان استام) قازاقستان ازاماتتارى قۇرايدى.

اقپاراتقا سايكەس، شەتەلدىكتەردىڭ باسىم بولىگى قۇرىلىس سالاسىندا ەڭبەك ەتەدى (5 494 ادام). 

"بۇدان باسقا تاۋ-كەن ونەركاسىبى جانە كارەرلەردى قازۋ سالاسىندا – 1 455 ادام (11%)؛ كاسىبي، عىلىمي جانە تەحنيكالىق قىزمەت – 995 ادام (8%)؛ وڭدەۋ ونەركاسىبى – 889 ادام (7%)؛ اۋىل، ورمان جانە بالىق شارۋاشىلىعى – 641 ادام (5%)"، - دەپ حابارلادى ۆەدومستۆو. 

ەڭبەك ميگرانتتارى جۇڭگو (3 411 ادام)، ءۇندىستان (1 685 ادام)، تۇركيا (1 523 ادام)، ۇلىبريتانيا (1 073 ادام)، وزبەكستان (769 ادام) سياقتى ەلدەردەن كەلەدى.

مينيسترلىك شەتەلدىك جۇمىس كۇشىن تارتۋعا ارنالعان كۆوتانى 22 226 بىرلىك (0،24%) دەپ بەلگىلەدى.