قازاقستاندا رەابيليتولوگ دارىگەرلەردى دايىندايتىن جاڭا ورتالىق اشىلادى.
وعان وڭتۇستىك كورەيا مەملەكەتى قولداۋ كورسەتپەك. مۇنداي شەشىم تەگۋ قالاسىندا قازاقستاندىق دارىگەرلەردىڭ تاعىلىمداماسىنىڭ قورىتىندىسىنىڭ ناتيجەسى بويىنشا قابىلداندى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
ايتا كەتەيىك، وتاندىق دارىگەرلەر 1 اي بويى تاڭعى شىق ەلىندە كورەيلىك ارىپتەستەرىنىڭ لەكسيالارىنا قاتىسىپ، جۇمىسىن باقىلادى. قازاقستاندىق دارىگەرلەردىڭ ايتۋىنشا، كورەيادا اۋىر دەرتكە شالدىققان ناۋقاستاردى وڭالتۋ مەرزىمى ءبىزدىڭ ەلگە قاراعاندا ۇزاعىراق، ال ساۋىقتىرۋ ورتىلاقتارى زاماناۋي جابدىقتارمەن تولىق قامتاماسىز ەتىلگەن. ەكى ەلدىڭ دارىگەرلەرى تەلە-مەديسينا ارقىلى تاجىريبە الماسۋ تۋرالى كەلىسىمگە كەلدى.
«كەلەسى ايدا ءبىز العاشقى وڭالتۋ ەمدەۋ اكادەمياسىنىڭ جۇمىسىن باستايمىز. الماتىداعى وقۋ ورتالىعىندا ساۋىقتىرۋ عانا ەمەس، فيزيوتەراپيانى دا ۇيرەتەتىن بولامىز. ءبىز سونداي-اق تەلەمەديسينانى قولدانامىز جانە ZOOM ارقىلى وقىتامىز»، - دەيدى وڭالتۋ مەديسينا دەپارتامەنتىنىڭ ديرەكتورى چون تە دۋ.