دەنساۋلىق ساقتاۋ مينيسترلىگىنىڭ مالىمەتىنشە، جىل باسىنان بەرى ەكى جارىم مىڭنان استام ادام وسى دەرتكە شالدىققان.
ناۋقاستاردىڭ جارتىسىنان كوبى بالالار. قىزىلشا جىلدام دەندەيتىن دەرت. سوندىقتان ونى ءجىتى باقىلاۋدا ۇستاۋ قاجەت، دەيدى ماماندار. بۇل اۋرۋ ەلىمىزگە شەت ەلدەن كەلگەندەردەن جۇققان. ياعني ءاۋ باستا مىسىر، وزبەكستان، تاجىكستان، رەسەي جانە قىرعىز ەلىنەن كەلگەن جولاۋشىلار تاسىمالداعان، دەپ حابارلايدى Almaty-akshamy.kz 24.kz-كە سىلتەمە جاساپ.
ۆيرۋس جۇقتىرعانداردىڭ جارتىسىنان كوبى الماتى قالاسىنىڭ تۇرعىندارى. ال، قوستاناي وبلىسىندا قىزىلشاعا شالدىققاندار سانى باسەڭدەمەي تۇر. جۇقپالى كەسەل جارتى جىل ىشىندە 60-قا جۋىق ادامنان تابىلعان. وتكەن جىلدىڭ وسى كەزەڭىندە مۇندا تەك ەكى جاعداي تىركەلگەن. ناۋقاستاردىڭ كوبى اۋرۋعا قارسى ەكپە سالدىرماعاندار، دەيدى مامان.
- سول اۋىرعان ادامدار ءبىرىنشى تۇركيا، ساۋد ارابياسى، قىرعىزستان، وزبەكستان، روسسيادان اكەلدى ءبىرىنشى سول اۋرۋلاردى. ءبىز ويلايمىز ەڭ پيك زابوليەۆاەموستي ءوتتى عوي دەپ. وسى 15 يۋننەن باستاپ 21 يۋنگە دەيىن 17 ادام اۋىردى، ودان كەيىن ءقازىر بىر-ەكى ادام اپتا سايىن اۋىرىپ وتىر، دەيدى وبلىستىق سانيتارلىق - ەپيدەميولوگيالىق باقىلاۋ دەپارتامەنتىنىڭ باسشىسى ەرمۇحانبەت داۋلەتبايەۆ.
2019 جىلى ەپيدەميولوگيالىق جاعداي بۇدان الدەقايدا ناشار بولدى. سول جىلى ەلدە 13 مىڭ ادام قىزىلشا جۇقتىرعان. بۇل كەسەل ناۋقاس جوتەلىپ، تۇشكىرگەندە اۋامەن سىلەكەي ارقىلى تارالادى ەكەن.
- بىزدە ءقازىر قىزىلشا بويىنشا ەپيدەميولوگيالىق جاعداي كۇردەلى. وسى جىلدان باسىنان باستاپ 2600-دەن استام جاعداي تىركەلدى. ونىڭ ىشىندە ول 86%-دان استام ول 18 جاسقا دەيىنگى بالالاردىڭ ىشىندە. 72 پايىزىندا ەگىلۋدەن وتپەگەن بالالار. ونىڭ ىشىندە 60%-ى ۆاكسيناسيادان باستارتقاندارى. 20%ء-ى جالپى تۇراقتى ۆاكسيناسياعا قارسى مەديسينالىق كورسەتىلىمدەرى بار بالالار. جانە 20%-ى ۆاكسيناسياعا جاسى كەلمەگەن بالالار، -دەدى ق ر دەنساۋلىق ساقتاۋ ۆيسە-مينيسترى ايجان ەسماعامبەتوۆا.
ماماندار بۇل ينفەكسيانىڭ ەكپەسى ەلىمىزدە تەك ۇلتتىق كۇنتىزبە بويىنشا ەگىلەتىنىن ايتادى. ياعني قىزىلشاعا قارسى ۆاكسينا جوسپارلى تۇردە 1 جاستاعى ءسابي مەن 6 جاسار بالالارعا سالىنادى. ەلىمىزدە پاندەميا كەزىندە قالىس قالعانىمەن ءقازىر ەكپەلەر جوسپارلى تۇردە جۇرگىزىلىپ جاتىر. بيىلعى جارتى جىلدىڭ وزىندە 200-گە جۋىق بالا ەگىلگەن.
- بۇل تەز ەمدەلەتىن اۋرۋ تۇرىنە جاتقىزا المايمىز. ەگەردە ول اسقىنىپ كەتكەن جاعدايدا ۆاكسياناسيالانباسا اۋرۋ ءتۇرى اۋىر جۇرەدى. مىسالى، اۋىز قۋىسىنداعى شىرىشتىق قاباتتىڭ، تىنىس الۋ جولدارىنىڭ شىرىشتىق قاباتتارى قابىنا باستايدى. ينكۋباسيالىق كەزەڭى 8-دەن 17 كۇننىڭ ارالىعىندا وتەدى. ءبىراق، جۇقپالى كەزەڭى بورتپەنىڭ شىعۋىنا بايلانىستى. 4 كۇننىڭ ارالىعىندا قىزىلشا اۋرۋى جۇعادى. 5-كۇنى بورتپە شىققان سوڭ جۇقپالى اۋرۋ بولۋى تومەندەي باستايدى، -دەدى ق ر دسم جۇقپالى اۋرۋلاردىڭ الدىن الۋ دەپارتامەنتىنىڭ باس مامانى ەلميرا قۇربانبەكوۆا.
اۋرۋ ايتىپ كەلمەيدى. سوندىقتان ساق بولعان ءجون. سەبەبى بۇل ىندەت ميعا، تىنىس الۋ جولدارى مەن وكپەگە قاتتى زاقىم كەلتىرەدى. ماماندار قىزىلشانىڭ جالعىز ەمى ۆاكسينا ەكەنىن ايتىپ وتىر.
يستوچنيك: https://24.kz/kz/zha-aly-tar/o-am/item/611061-elimizde-yzylsha-auruy-rship-barady
ليۋبوە يسپولزوۆانيە ماتەريالوۆ دوپۋسكاەتسيا تولكو پري ناليچيي گيپەرسسىلكي نا www.