قازاقستان حالىق پارتياسى فراكسياسىنىڭ باسشىسى ماگەررام ماگەرراموۆ ءوزىنىڭ دەپۋتاتتىق ساۋالىندا اسكەردەگى ءولىم، قوعامداعى الىمجەتتىك پەن زورلىق جاساۋ، بۇزاقىلىق جايتتارىنىڭ تامىرى مەكتەپتەن تاراعانىن جەتكىزدى، دەپ حابارلايدى aqshamnews.kz.
ونىڭ پىكىرىنشە ءقازىر ەلىمىزدىڭ ءبىلىم وردالارىنداعى تارتىپتىك جۇمىستى قايتا قاراپ، ۇلكەن وزگەرىستەر ەنگىزۋ كەرەك. دەپۋتاتتىڭ ايتۋىنشا، جايلى جانە ءقاۋىپسىز ءومىر مەكتەپتەن باستالادى. الايدا، ەلىمىزدەگى مەكتەپتەردە جايلىلىق پەن قاۋىپسىزدىك بار-جوعى جايىندا سۇراق تۋىنداتادى.
«قازاقستاندىقتاردى كامەلەتكە تولماعان بالالار اراسىنداعى زورلاۋ، ۇرىپ-سوعۋى جانە ءولىم تۋرالى جاڭالىقتارى جاعا ۇستاتۋدا. پارتيامىز كەڭ تارالعان زورلىق-زومبىلىقتىڭ، اسكەر قاتارىنداعى ءولىمنىڭ، دەنى ساۋ جانە مىقتى جىگىتتەردى مۇگەدەكتىك پەن ولىمگە اكەلەتىن جازاتايىم وقيعالاردىڭ نەگىزگى مەكتەپتە تامىر جايعان بۇزاقىلىق، زورلىق-زومبىلىق، بانديتيزم مەن قىلمىستىق ءومىر سالتتىڭ كورىنىسى دەپ سانايدى. اسكەرگە مەكتەپتە دەسترۋكتيۆتى ورتادا تاربيەلەنگەن بالالار كەلەدى. ولار وزدەرىنىڭ قىلمىستىق ارەكەتتەرىن سوندا جالعاستىرۋدا»، - دەدى ماگەررام ماگەرراموۆ.
دەپۋتاتتىڭ ايتۋىنشا مەكتەپ بالانى قوعامعا ينتەگراسيالاۋ پروسەسىنىڭ العاشقى قادامى ەكەنىن ەسكەرۋى كەرەك.
«زورلىق - زومبىلىقتى تۇبىمەن جويۋ كەرەك. ءبىراق بۇگىنگى كۇنى اگرەسسورلار، جاسىنا بايلانىستى جازاسىز قالۋدا. بالكىم، ءبىز زاڭ شىعارۋشىلار، ۇلىبريتانيا سياقتى قىلمىستىق جاۋاپكەرشىلىككە تارتۋدى 14 جاستان ەمەس، 12 جاستان باستاپ قايتا قاراۋىمىز كەرەك شىعار. مۇنداي جاۋاپكەرشىلىكتى اسىرەسە زورلىق جاساۋ ىستەرىنە بەلگىلەۋ قاجەت. ۋاكىلەتتى ورگان ءبىلىم بەرۋ پروسەسىنە عانا ەمەس، سونىمەن قاتار بالالاردىڭ مورالدىق-ەتيكالىق مىنەز-قۇلقىنا، ەموسيونالدى-پسيحولوگيالىق تۇراقتىلىعىنا ەرەكشە نازار اۋدارۋى كەرەك»، - دەدى ول.
وسى تۇستا ماگەررام ماگەرراموۆ مادەنيەت جانە اقپارات مينيسترلىگىنىڭ ناقتى جۇمىسىنىڭ جوقتىعىن سىنادى.
«ولار بالالار مەن جاسوسپىرىمدەردىڭ ءومىرى مەن دەنساۋلىعىن دايەكتى جانە سەنىمدى قورعاۋعا باعىتتالعان اتا-انا، وتباسى ينستيتۋتىنىڭ السىرەۋىنە جول بەرىپ وتىر. بۇل ماسەلەدە حالىقارالىق تاجىريبەگە جۇگىنۋ كەرەك. مىسالى، جاپونيادا ءبىلىم مينيسترلىگى بۋللينگكە قارسى ارنايى كەڭەس قۇردى. ونىڭ قىزمەتى ەرەسەكتەردىڭ بالالار ءۇشىن ءقاۋىپسىز ورتا قۇرۋ جاۋاپكەرشىلىگىن ارتتىرۋعا باعىتتالعان. مۇندا مۇعالىمدەردەن بۋللينگتىڭ ءار جاعدايىنا بارىنشا مۇقيات قاراۋ، پسيحولوگتاردان بالالاردىڭ پسيحوەموسيونالدى جاعدايىن كاسىبي قولداۋ، ال اتا-انالار مەن قامقورشىلاردان مۇنىڭ الدىن الۋ ءۇشىن مەملەكەتتىك جۇيەمەن بەلسەندى ىنتىماقتاستىق تالاپ ەتىلەدى. ءبىز كامەلەتكە تولماعانداردى قۇقىقتىق تاربيەلەۋدىڭ پروفيلاكتيكانىڭ ەرەكشە ءادىسىن قاراۋدى ۇسىنامىز. ول ءۇشىن ءبىلىم بەرۋ، ىشكى ىستەر جانە ادىلەت ورگاندارى مەكتەپتىڭ اقپاراتتىق بازاسىن قامتاماسىز ەتۋى كەرەك»، - دەپ قورىتتى ول.