ۇلتتىق ستاتيستيكا بيۋروسىنىڭ مالىمەتىنشە، قازاقستاندا 2022 جىلى قارتايۋ يندەكسى 28،2 قۇرادى، وسىلايشا كورسەتكىش ءبىر جىل ىشىندە 1،6 پايىزدىق تارماققا ءوستى (26،6 – 2021 ج.).
بۇل دەگەنىمىز 0 مەن 15 جاس ارالىعىنداعى ءاربىر 100 بالاعا 65 جاستان اسقان 28،2 قاريادان كەلەدى، دەپ حابارلايدى Almaty-akshamy.kz.
وڭىرلەر بولىنىسىندە ەڭ جوعارى يندەكس شقو-دا – 56،9، ودان كەيىن سولتۇستىك قازاقستان – 56،3 جانە قوستاناي وبلىستارى – 48،9.
بۇل رەتتە، حالقى ەڭ جاس ءوڭىر – ماڭعىستاۋ وبلىسى، سوڭعى 10 جىلدان بەرى وندا تۋۋ كورسەتكىشىنىڭ ەڭ جوعارى كوەففيسيەنتى تىركەلىپ وتىر. وندا 100 بالاعا 65 جاستان اسقان 10،8 قارتتان كەلەدى. سونداي-اق قارتايۋدىڭ تومەن يندەكسى تۇركىستان وبلىسىندا – 11،3 جانە شىمكەنت قالاسىندا –11،7.
قالالىق جەرلەردە قارتايۋ يندەكسى اۋىلدى جەرگە قاراعاندا جوعارى، سايكەسىنشە 30،7 جانە 24،5.
ايتا كەتەيىك، بۇدان بۇرىن قازاقستاندىقتاردىڭ ءومىر ءسۇرۋ ۇزاقتىعى كوبەيگەنى حابارلانعان بولاتىن.