ەلىمىزدە قانشا كولىك تىركەلگەن؟

قازاقستاندا كولىك سانى ارتىپ كەلەدى: تامىز ايىندا 160 مىڭعا جۋىق اۆتوكولىك تىركەلدى، دەپ حابارلايدى Aqshamnews.kz ءتىلشىسى.

ۇلتتىق ستاتيستيكا بيۋروسىنىڭ دەرەگىنە سايكەس، تىركەلگەن بارلىق كولىك ىشكى ىستەر مينيسترلىگىنىڭ اقپاراتتىق جۇيەسىنە ەنگىزىلگەن. تامىز ايىنداعى كورسەتكىش بويىنشا كولىكتەردىڭ باسىم بولىگى جەڭىل ماشينالار. سونىمەن قاتار، 9 700 جۇك كولىگى، 1 500 اۆتوبۋس جانە 3 500-دەن استام موتوسيكل تىركەلگەن.

قىركۇيەك ايىندا قازاقستان بويىنشا جالپى 6،7 ميلليوننان استام كولىك تىركەلگەنى انىقتالدى.

ستاتيستيكاعا سۇيەنسەك، اۆتوپاركتىڭ باسىم بولىگى ەسكى كولىكتەردەن تۇرادى:

• جەڭىل كولىكتەردىڭ 41،5 پايىزى 20 جىلدان استام ۋاقىت پايدالانىلىپ كەلەدى؛

• 24 پايىزى – 10-20 جىل ارالىعىندا؛

• 10 پايىزى – 7 جىلدان 10 جىلعا دەيىن؛

• 17 پايىزى – 3 جىلدان 7 جىلعا دەيىن جۇرىلگەن؛

• ال نەبارى 6،8 پايىزى عانا ءۇش جىلعا جۋىق ۋاقىت بۇرىن ساتىپ الىنعان جاڭا كولىكتەر.

ايتا كەتەيىك، بۇعان دەيىن ەلىمىزدە 2028 جىلدان باستاپ SOS باتىرماسى جوق كولىكتەر تىركەۋگە الىنبايتىنى تۋرالى حابارلانعان بولاتىن.