ەلىمىزدە قانداي ازىق قىمباتتايدى؟

بۇل تۋرالى ساۋدا جانە ينتەگراسيا مينيسترلىگىنىڭ ساۋدا كوميتەتىنىڭ ءتوراعاسى ايدار ابىلدابەكوۆ جاۋاپ بەردى.

ساۋدا مينيسترلىگى قازاقستاندا قانداي ازىق-تۇلىك قىمباتتاۋى مۇمكىن ەكەنىن ايتتى، دەپ حابارلايدى Almaty-akshamy.kz

"جالپى، كۇرىشتەن ازداپ قيىنشىلىقتار بولۋى مۇمكىن، ءبىراق ونى ەشكىم ايتا المايدى. بۇعان سىرتقى نارىق قاتتى اسەر ەتەدى. مىسالى، ءۇندىستان بۋعا پىسىرىلگەن كۇرىشكە تىيىم سالدى نەمەسە قىتايدا سۋ تاسقىنى سالدارىنان، كۇرىش وندىرەتىن كەيبىر اۋماقتار سۋ استىندا قالدى. سىرتقى نارىق قازاقستان نارىعىنا قاتتى اسەر ەتەدى. سوندىقتان قىزىلوردادا بارلىق وڭىرلىك اكك جانە اكىمدىكتەرمەن كۇرىش بويىنشا جارمەڭكەلەر ۇيىمداستىرىپ، كەلىسىمشارت جاسادىق. "ازىق - تۇلىك كورپوراسياسى" اق كۇرىش بويىنشا ۇلكەن كەلىسىمشارت جاساپ، رەزەرۆتە بولۋى ءۇشىن ساتىپ الۋعا قوماقتى قارجى ءبولدى"، - دەپ ءتۇسىندىردى ابىلدابەكوۆ.

ساۋدا كوميتەتى ءتوراعاسىنىڭ ايتۋىنشا، قازاقستان ءوز ءونىمى ەسەبىنەن دە، يمپورت ەسەبىنەن دە قاجەتتى ونىممەن قامتاماسىز ەتىلەدى.

"باسقا ونىمدەردىڭ دە باعاسى ايتارلىقتاي قىمباتتايدى دەپ ايتا المايمىن. نارىق ءارقاشان "ويناپ" تۇرادى. ءبىز فەرمەردىڭ قىزمەتىنە ارالاسىپ، ونى ارزانىراق ساتۋعا ماجبۇرلەي المايمىز"، - دەپ قوستى شەنەۋنىك.