ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ وسىلاي دەدى.
وسى ماسەلەنىڭ وڭ شەشىمىن تابۋ ءۇشىن مينيسترلىك جانىنان «بەرەكەلى باستاما» پورتالىن ىسكە قوسىلادى، دەپ حابارلايدى Almaty-akshamy.kz ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنە سىلتەمە جاساپ.
ءمينيستردىڭ ايتۋىنشا، قالالاردىڭ تۇراقتى ءوسۋى قالا كەڭىستىگىن قالىپتاستىرۋدىڭ جاڭا تاسىلدەرىن، قالا قۇرىلىسى رەگلامەنتتەرىن ناقتى ساقتاۋدى تالاپ ەتەدى. ءبىراق قازىرگى ۋاقىتتا ەلىمىزدە قالالاردىڭ دامۋ پەرسپەكتيۆالارى مەن جۇرتشىلىقتىڭ پىكىرى ەسكەرىلمەي، رەتسىز سالىنۋدا.
ق ر يندۋستريا جانە ينفراقۇرىلىمدىق دامۋ مينيسترلىگى قازاقستاننىڭ ۋربانيستەر قاۋىمداستىعىمەن بىرلەسىپ، «بەرەكەلى باستاما» پورتالىن ىسكە قوسادى. وندا ءار ازامات ءوز قالاسىنىڭ ينفراقۇرىلىمىن جاقسارتۋ تۋرالى ۇسىنىستار ايتىپ، وزەكتى باستامالارعا داۋىس بەرە الادى.
بۇل تۋرالى ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن دوڭگەلەك ۇستەل بارىسىندا ق ر يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ مالىمدەدى.
«مىسالى، الماتى تۇرعىندارى قۇمىرسقانىڭ يلەۋى سياقتى تىم كوپ ادام تۇراتىن ۇيلەرگە، ەلوردا تۇرعىندارى دەمالىس ورىندارى مەن الەۋمەتتىك نىساندار سالماي، عيماراتتاردىڭ وتە تىعىز بوي كوتەرىپ جاتقانىنا شاعىمدانادى. ءقازىر ۋربانيستەر مەن قالا تۇرعىندارىنىڭ پىكىرلەرىن ەسكەرە وتىرىپ، قالالاردا وزگەرىس جاساۋ - وتە ماڭىزدى. ءار ازامات ءوز قالاسىن دامىتۋعا قاتىسا الۋى ءۇشىن حالىق پەن مەملەكەت اراسىنداعى ديالوگقا باسا نازار اۋدارۋىمىز كەرەك. ءدال وسى ماقساتتا قازاقستاننىڭ ۋربانيستەر قاۋىمداستىعىمەن بىرلەسىپ، «بەرەكەلى باستاما» داۋىس بەرۋ پورتالىن ىسكە قوسامىز،- دەدى ق ر يندۋستريا جانە ينفراقۇرىلىمدىق دامۋ ءمينيسترى.
قايىربەك وسكەنبايەۆ پورتالدا قالانىڭ ءار تۇرعىنى ينفراقۇرىلىمدى جاقسارتۋ بويىنشا ۇسىنىستار بەرە الاتىنىن ايتتى. بارلىق جوبالاردى ۋربانيستەر عىلىمي تۇرعىدان زەرتتەپ، سودان كەيىن ۇزدىكتەرى داۋىس بەرۋ پورتالىندا جاريالانادى. ونىڭ قورىتىندىلارى بويىنشا قارجىلاندىرۋ جانە ىسكە اسىرۋداعى باسىمدىقتار ايقىندالادى.