2023 جىلى 16 جەلتوقساندا ساعات 9:00-دەگى جاعداي بويىنشا، اۋا رايىنىڭ ناشارلاۋىنا بايلانىستى (سۋىق كۇندە جاڭبىردىڭ جاۋۋى، بوران، كوكتايعاق) بەس وبلىستا رەسپۋبليكالىق ماڭىزى بار تاس جولداردىڭ سەگىز ۋچاسكەسىندە كولىك قوزعالىسىنا شەكتەۋ ەنگىزىلدى.
جەتىسۋ وبلىسى:
ءۇشارال-دوستىق تاس جولى، كوكتۇما ستانسياسىنان دوستىق ستانسياسىنا دەيىنگى ارالىقتاعى جول ۋچاسكەسى (100 كم).
"اۋا رايىنىڭ كۇرت ناشارلاۋىنا بايلانىستى شەكتەۋ شارالارى ەنگىزىلدى (بوران، اينالانىڭ كورىنۋ دەڭگەيىنىڭ تومەندەۋى). شەكتەۋ كولىكتىڭ بارلىق تۇرلەرىنە قولدانىلادى. جولدا تۇرىپ قالعان كولىكتەر سانى - 68 جۇك كولىگى".
"قازاۆتوجول" ۇك" اق باسپا ءسوز قىزمەتى
الماتى وبلىسى:
الماتى-تاشكەنت-تەرمەز تاس جولى، جاڭاقۇرىلىس اۋىلىنان جامبىل وبلىسىنىڭ شەكاراسىنا دەيىنگى ارالىقتاعى جول ۋچاسكەسى (84 كم).
جامبىل وبلىسىندا اۋا رايىنىڭ ناشارلاۋىنا بايلانىستى كولىكتىڭ بارلىق تۇرلەرى ءۇشىن شەكتەۋ ەنگىزىلدى. جولدا كولىكتەر تۇرىپ قالعان جوق.
اتىراۋ وبلىسى:
اقتوبە - اتىراۋ - رەسەي فەدەراسياسىنىڭ شەكاراسى (استراحانعا) تاس جولى، 712-893 كم، جانباي اۋىلىنان رەسەي فەدەراسياسىنىڭ شەكاراسىنا دەيىنگى (استراحانعا) ارالىق.
شەكتەۋ بارلىق كولىك تۇرلەرىنە (جاڭبىر، كوكتايعاق) قولدانىلادى.
جامبىل وبلىسى (جالپى جيىنتىعى - 600 كم):
الماتى - تاشكەنت-تەرمەز، كەنەن اۋىلىنان قاينار اۋىلىنا دەيىنگى جول ۋچاسكەسى (جاڭا قورداي اسۋى) – 95 كم.
شۋ-قاينار - 56 كم.
الماتى – تاشكەنت – تەرمەز، قاينار اۋىلىنان تۇركىستان وبلىسىنىڭ شەكاراسىنا دەيىنگى جول ۋچاسكەسى - 354 كم.
الماتى-تاشكەنت-تەرمەز، الماتى وبلىسىنان قاينار اۋىلىنا دەيىنگى جول ۋچاسكەسى - 95 كم.
شەكتەۋ اۋا رايىنىڭ ناشارلاۋىنا بايلانىستى ەنگىزىلدى (سۋىق كۇندە جاڭبىردىڭ جاۋۋى، كوكتايعاق) جانە كولىكتىڭ بارلىق تۇرلەرىنە قولدانىلادى. قايتا جابىلعان جول ۋچاسكەلەرىندە 50 اۆتوموبيل، ونىڭ ىشىندە 30 جۇك جانە 20 جەڭىل اۆتوموبيل جينالىپ قالدى.
تۇركىستان وبلىسى:
الماتى – تاشكەنت - تەرمەز، ماشات اۋىلىنان جامبىل وبلىسىنىڭ شەكاراسىنا دەيىنگى جول ۋچاسكەسى (62 كم).
شەكتەۋ جامبىل وبلىسىندا اۋا رايىنىڭ ناشارلاۋىنا بايلانىستى ەنگىزىلدى جانە كولىكتىڭ بارلىق تۇرلەرى ءۇشىن قولدانىلادى. كولىكتەردىڭ تۇرىپ قالۋ فاكتىسى تىركەلمەدى.
"جالپى، قازىرگى ۋاقىتتا رەسپۋبليكالىق تاس جولداردىڭ 846 شاقىرىمىندا شەكتەۋ شارالارى ەنگىزىلگەن. قايتا جابىلعان ۋچاسكەلەردە 118 اۆتوكولىك تۇر، ونىڭ ىشىندە 98 جۇك جانە 20 جەڭىل كولىك بار. قازىرگى ۋاقىتتا رەسپۋبليكالىق ماڭىزى بار تاس جولداردا كوكتايعاققا قارسى ماتەريالدار سەبۋگە، قار تازالاۋ جۇمىستارىن جۇرگىزۋگە 260 تەحنيكا جۇمىلدىرىلدى"، دەلىنگەن حابارلامادا.