ەلىمىزدە پاتەرلەردى قايتا ساتۋ باعاسى ءوستى

ۇلتتىق ستاتيستيكا

ءبىر جىلدا (2022 جىلعى قازان 2021 جىلعى قازانعا) پاتەرلەردى قايتا ساتۋ باعالارى – 27،1%، جاڭا تۇرعىن ۇيلەردى ساتۋ 16،6% ءوستى، دەپ حابارلايدى Almaty-akshamy.kz Almaty.tv-گە سىلتەمە جاساپ. 
ۇلتتىق ستاتيستيكا بيۋروسىنىڭ مالىمەتىنشە، اباتتاندىرىلعان تۇرعىن ءۇيدى جالعا الۋ تولەمى وتكەن جىلعى ءتيىستى ايمەن سالىستىرعاندا 2022 جىلعى قازاندا 54،2% ارتتى.
وڭىرلەر بولىنىسىندە جاڭا سالىنعان ۇيلەر جىلدىق ماندە اقتوبە قالاسىندا 30،3%-عا، وسكەمەندە 26،3%-عا، قوستانايدا 25،4%-عا قىمباتتادى. قولدانىستاعى پاتەرلەر نارىعىندا باعا ءوسىمى تالدىقورعان (44،6%)، سەمەي (44%)، اقتاۋ (43،3%)، اقتوبە (42،4%) قالالارىندا قاتتى بايقالدى. ال تۇرعىن ءۇيدى جالعا الۋ نارىعىندا بىلتىرعى قازانعا قاراعاندا باعا الماتى (89،7%)، قاراعاندى (64،2%)، قوستاناي (58،5%) قالالارىندا ايتارلىقتار كوتەرىلگەن.
ءبىر ايدىڭ ىشىندە (2022 جىلعى قىركۇيەككە قاراعاندا 2022 جىلعى قازاندا) قولدانىستاعى پاتەر باعالارى –2،1%، جاڭا تۇرعىن ءۇيدى ساتۋ 0،9% ءوستى. اباتتاندىرىلعان تۇرعىن ءۇيدى جالعا الۋ تولەمى الدىڭعى ايمەن سالىستىرعاندا قازاندا 5،6% جوعارىلادى.