ەلىمىزدە پاتەر توناۋ قىلمىسى ازايدى

تۇرعىن ءۇيدى توناۋ قىلمىسى 33،4%-عا ازايدى

بۇل تۋرالى ق ر ءىىم كريمينالدىق پوليسيا دەپارتامەنتىنىڭ اسا ماڭىزدى ىستەر جونىندەگى اعا جەدەل ۋاكىلى ساعىندىق جانتەمىروۆ ءمالىم ەتتى، دەپ حابارلايدى Almaty-akshamy.kz 

ونىڭ ايتۋىنشا، قابىلدانعان شارالاردىڭ ناتيجەسىندە سوڭعى 5 جىلدا پاتەر ۇرلىعىنىڭ سانى 33،4%-عا تومەندەگەن.

«مىسالى، 2017 جىلى 37893 پاتەر ۇرلىعى تىركەلسە، وتكەن جىلى 12655 ۇرلىق جاسالدى. اتالعان كورسەتكىش بيىل دا جاقسارىپ كەلەدى. جىل باستالعالى پاتەرگە ۇرلىققا ءتۇسۋ قىلمىسىنىڭ سانى 7،1% - عا (3357-دەن 3118-گە دەيىن) تومەندەپ وتىر. ال پاتەر توناۋ قىلمىسىن اشۋ 1،7% - عا (59،0-دەن 60،7% - عا دەيىن) ارتتى»، - دەدى ساعىندىق جانتەمىروۆ ىىم-دە وتكەن باسپا ءسوز ءماسليحاتىندا.

سونداي-اق، سپيكەر ۇرىلار پاتەردى توناۋدىڭ ايلا-تاسىلدەرىن جەتىلدىرىپ وتىراتىندىقتارىن ەسكە سالدى.

«جەكە مۇلىكتى ۇرلاۋدا قىلمىسكەرلەر پاتەرگە كىرۋ داعدىلارى مەن تاسىلدەرىن ۇنەمى جەتىلدىرىپ وتىرادى. ولار زاماناۋي تەحنيكا مەن ۇيالى بايلانىستى پايدالانادى. ەسىك قۇلپىن اشۋعا ارنايى قۇرالداردى قولدانادى. وسى ورايدا تۇرعىندارعا ساق بولۋدى ەسكەرتەمىز»، - دەيدى ول.

بۇعان دەيىن ق ر ءىىم وكىلى جىل باسىنان بەرى ەلىمىز بويىنشا 600-دەن استام پاتەر ۇرىسىنىڭ ۇستالعانىن جەتكىزدى .