ءبىرىنشى سىنىپقا قابىلداۋ ءۇشىن قۇجاتتاردى 1 ساۋىردەن باستاپ، 2022 جىلعى 1 تامىزعا دەيىن تاپسىرۋعا بولادى.
بالالاردى 1-سىنىپقا قابىلداۋ ءۇشىن 13 مىڭنان استام ەلەكتروندى ءوتىنىش ءتۇستى. قابىلداۋدىڭ ءبىرىنشى كۇنى، ياعني جۇمادا، 10 مىڭ، بۇگىن جۇمىس كۇنى باستالعالى بەرى تاعى 3 مىڭ ءوتىنىش ءتۇستى. بۇل تۋرالى ءبىلىم جانە عىلىم مينيسترلىگى ءمالىم ەتتى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
ازاماتتارعا ىڭعايلى بولۋى ءۇشىن بالالاردى مەكتەپكە قابىلداۋ قىزمەتى اۆتوماتتاندىرىلعان. بۇل جۇمىس egov.kz ۆەب-پورتالى ارقىلى جۇزەگە اسىرىلادى.
«ءبىز ازاماتتارعا كورسەتىلەتىن بارلىق قىزمەتتى اۆتوماتتاندىرۋعا باسا نازار اۋدارامىز. ۇبت، بارلىق دەڭگەيدەگى وليمپيادا ەلەكتروندى فورماتقا كوشىرىلدى. مۇنىڭ كوپتەگەن ارتىقشىلىعى بار، ەڭ باستىسى – بارلىق پروسەستىڭ اشىقتىعى. ءبىز اشىقتىقتى جانە ازاماتتارعا قولايلى جاعداي جاساۋدى قولدايمىز. قۇجاتتاردى قابىلداۋدىڭ ءبىرىنشى كۇنىنىڭ وزىندە egov.kz پورتالى ارقىلى 10 مىڭنان استام ەلەكتروندى ءوتىنىش كەلىپ ءتۇستى. مۇنداي ساندار ق ر ءبعم-نىڭ سيفرلىق مەملەكەتتىك قىزمەتتەرى ازاماتتار اراسىندا تانىمال ەكەندىگىن كورسەتەدى»، - دەيدى ءبىلىم جانە عىلىم ۆيسە-مينيسترى ايبات ءىلياسوۆ.