شاۆكات ميرزيويەۆتىڭ قازاقستانعا مەملەكەتتىك ساپارى اياسىندا ەكى ەل پرەزيدەنتتەرى وزبەكستان ەلشىلىگىنىڭ جاڭا عيماراتىنىڭ سالتاناتتى اشىلۋ راسىمىنە قاتىستى.
قاسىم-جومارت توقايەۆ پەن شاۆكات ميرزيويەۆ جاڭادان سالىنعان وزبەكستاننىڭ قازاقستانداعى ەلشىلىگىنە باردى، دەپ حابارلايدى Almaty-akshamy.kz اقوردانىڭ رەسمي سايتىنا سىلتەمە جاساپ.
مەملەكەتتەر باسشىلارى سالتاناتتى شارادا لەنتا قيعان سوڭ، پرەزيدەنت وركەسترى ەكى ەلدىڭ مەملەكەتتىك ءانۇراندارىن ورىندادى. بۇدان كەيىن قاسىم-جومارت توقايەۆ پەن شاۆكات ميرزيويەۆ ەلشىلىكتىڭ جاڭا عيماراتىن ارالاپ شىقتى.
ەلشىلىكتىڭ عيماراتى نۇر-سۇلتان قالاسىنداعى تاۋەلسىزدىك داڭعىلىنىڭ بويىندا، «حازىرەت سۇلتان» مەشىتىنە جاقىن جەردە ورنالاسقان.