بۇل - ءبىر جارىم جىل ىشىندەگى كورسەتكىش.
Stopfake.kz سايتى 1900-دەن استام فەيكتى جوققا شىعاردى، دەپ حابارلايدى Almaty-akshamy.kz اقپارات جانە قوعامدىق دامۋ مينيسترلىگىنە سىلتەمە جاساپ.
ق ر اقدم قۇرعان Stopfake.kz سايتى وقىرماندار اۋديتورياسىنىڭ مەدياساۋاتتىلىعىن ارتتىرۋ بويىنشا جۇمىستى جالعاستىرىپ، قازاقستاننىڭ اقپاراتتىق الاڭىندا تاراتىلعان 900-گە جۋىق جالعان حابارلامالاردى جوققا شىعاردى. جالپى، سايت جۇمىس جاساعان ءبىر جارىم جىل ىشىندە، 2020 جىلدىڭ شىلدەسىنەن باستاپ قازاق جانە ورىس تىلدەرىندە 2000-عا جۋىق فەيكتەر تەرىسكە شىعارىلدى.
StopFake سايتىنىڭ جۇمىسىنىڭ ناتيجەسىندە كارانتيندىك شەكتەۋلەر تۋرالى ۆيرۋستىق حابارلامالار، COVID-19 ۆاكسيناسياسىنىڭ قاۋىپتىلىگى تۋرالى جاڭىلىس اقپارلار، 2021 جىلعى پارلامەنتتىك سايلاۋ تۋرالى جالعان اقپارات جانە ت.ب. توقتاتىلعانىن اتاپ وتۋگە بولادى. الەۋمەتتىك جەلىلەر مەن مەسسەندجەرلەردىڭ تۇراقتى مونيتورينگى جۇرگىزىلەدى. سونىمەن قاتار، رەسۋرستا ساراپتامالىق سۇحباتتار پايدا بولىپ، وندا بەلگىلى ءبىر حابارلامالار عىلىمي تۇرعىدان ءتۇسىندىرىلدى.
Stopfake.kz جوباسى «مەدياعا ارنالعان مەديا» قاعيداتى بويىنشا جۇمىس ىستەيدى. كۇن سايىن سايتتاعى ماتەريالداردى قازاقستاننىڭ ءىرى باسىلىمدارى، سونداي-اق شەتەلدىك اقپاراتتىق رەسۋرستار قولدانادى. سايتتاعى ەكى ءتىلدى ماتەريالداردان باسقا، ءتۇرلى ماقالالار الەۋمەتتىك جەلىلەردە تاراتىلادى. قازىرگى ۋاقىتتا جوبانىڭ كونتەنتى 7 ميلليوننان استام رەت ءارتۇرلى پلاتفورمالاردا قارالدى.