ۇلتتىق ستاتيستيكا بيۋروسى ءبىر جىلدا قازاقستاندىقتاردىڭ ەڭبەكاقىسى قالاي وزگەرگەنىن مالىمدەدى.
2023 جىلدىڭ ەكىنشى توقساتىندا ەلىمىزدە ورتاشا جالاقى 17،1 پايىزعا ءوسىپ، 365 مىڭ 502 تەڭگەگە جەتتى، دەپ حابارلايدى Almaty-akshamy.kz
ءبىر جىل بۇرىنعى كورسەتكىشپەن سالىستىرعاندا اقپارات جانە بايلانىس سالاسىندا ورتاشا جالاقى 36 پايىزعا وسكەن. بۇل – ەڭ جوعارعى كورسەتكىش. ەڭبەكاقى كولىك جانە قويما، ورمان جانە بالىق شارۋاشىلىعى، كوتەرمە جانە بولشەك ساۋدا سالاسىندا دا وسكەنى بايقالادى.
جالاقى كولەمى بىلتىرعى ەكىنشى توقسانمەن سالىستىرعاندا قۇرىلىس، تاماقتانۋ قىزمەتتەرىن كورسەتۋ، ءبىلىم بەرۋ، سونداي-اق دەنساۋلىق ساقتاۋ جانە الەۋمەتتىك قىزمەت كورسەتۋ سالاسىندا ءبىرشاما تومەندەگەنى تىركەلگەن. وڭىرلەر اراسىندا ورتاشا ايلىق اتاۋلى جالاقىنىڭ ەڭ جوعارعى ءوسىمى ۇلىتاۋ وبلىسىندا تىركەلسە، ەڭ تومەنگى ءوسىمى تۇركىستان وبلىسىندا.