رەسپۋبليكادا ورتتەردىڭ الدىن الۋ ماقساتىندا 1 جەلتوقساننان باستاپ توتەنشە جاعدايلار ءمينيسترى گەنەرال-مايور شىڭعىس ءارىنوۆ «ءورت قاۋىپسىزدىگى ايلىعىن» جاريالادى، دەپ حابارلايدى aqshamnews.kz.
ايلىق شەڭبەرىندە جىلىتۋ كەزەڭىنەن جانە الداعى مەرەكەلەردەن (تاۋەلسىزدىك كۇنى جانە جاڭا جىل كۇنى) ءقاۋىپسىز وتۋگە باعىتتالعان ءىس-شارالار كەشەنى جوسپارلانعان، ونىڭ ىشىندە:
- تۇرعىن ءۇي سەكتورىنداعى ءورت قاۋىپسىزدىگى ماسەلەلەرى بويىنشا ازاماتتاردى حاباردار ەتۋ؛
- ادامداردىڭ جاپپاي بولۋىمەن وبەكتىلەردە ەۆاكۋاسيالىق جاتتىعۋلار وتكىزۋ؛
- جاڭا جىلدىق ءىس-شارالاردى ۇيىمداستىرۋ كەزىندە ءورت قاۋىپسىزدىگى تالاپتارىن ءتۇسىندىرۋ بويىنشا ادامدار جاپپاي بولاتىن وبەكتىلەردىڭ يەلەرىمەن كەزدەسۋلەر وتكىزۋ؛
- جاڭا جىلدىق مەرەكەلىك ءىس-شارالار، ونىڭ ىشىندە ساليۋت وتكىزۋ جانە پيروتەحنيكالىق بۇيىمداردى ساتۋ ورىندارىندا پروفيلاكتيكالىق ءىس-شارالار وتكىزۋ؛
- تۇرعىن ءۇي قورىندا ءورت حابارلاعىشتارىن، ۋلى گاز داچيكتەرىن جانە گاز تالداعىشتاردى ورناتۋ مونيتورينگى، سونداي-اق ولاردىڭ ىسكە قوسىلۋ فاكتىلەرى؛
- گاز باللوندى جابدىقپەن جاراقتاندىرىلعان كولىك قۇرالدارىن ءقاۋىپسىز پايدالانۋ ماسەلەلەرىن جارىقتاندىرۋ؛
- جانە ت. ب.
بارلىق تۋىنداعان سۇراقتار بويىنشا ءسىز جاقىن ماڭداعى توتەنشە جاعدايلار بولىمشەسىنە (تجد، تج باسقارماسى مەن بولىمدەرى) نەمەسە رەسمي سايتقا جۇگىنە الاسىز