دەنساۋلىق ساقتاۋ مينيسترلىگىندە «قازاقستان حالقىنا» قوعامدىق قورىنىڭ باسقارما ءتوراعاسى بولات جامىشيەۆپەن جانە «University Medical Center» كق باسقارما باسشىسى يۋريي پيامەن ورفاندىق اۋرۋلارى بار بالالارعا مەديسينالىق كومەكتى جەتىلدىرۋ ماسەلەلەرى بويىنشا كەزدەسۋ ءوتتى.
كەڭەستىڭ شەڭبەرىندە سيرەك كەزدەسەتىن اۋرۋلارى بار بالالارعا مەديسينالىق كومەك كورسەتۋدى جاقسارتۋدىڭ وزەكتى ماسەلەلەرى تالقىلاندى، دەپ حابارلايدى Almaty-akshamy.kz.
مينيسترلىك سوڭعى 3 جىلدىڭ ىشىندە دەنساۋلىق ساقتاۋ سالاسىنداعى «قازاقستان حالقىنا» قوعامدىق قورىمەن بەلسەندى ىنتىماقتاستىقتا بولدى جانە ورفاندىق، ونكولوگيالىق، ونكوگەماتولوگيالىق اۋرۋلارى بار ازاماتتاردى قىمبات دارىلىك زاتتارمەن قامتاماسىز ەتۋ، ونكولوگيالىق قىزمەتتى، بالالار نەيروحيرۋرگيالىق قىزمەتىن، ترانسپلانتاتتاۋدى، ينفراقۇرىلىمدى جانە وڭالتۋ ورتالىقتارىن دامىتۋ جانە ت. ب. بويىنشا 12 جوبا مەن باعدارلامانى بىرلەسىپ ىسكە اسىرۋدا.
دەنساۋلىق ساقتاۋ ءمينيسترى اقمارال ءالنازاروۆا «قازاقستان حالقىنا» قوعامدىق قورىنىڭ باسشىسىنا ومىرلىك ماڭىزدى جوبالاردى ىسكە اسىرۋعا كومەكتەسكەنى ءۇشىن العىس ايتىپ، ىنتىماقتاستىقتى ودان ءارى دامىتۋدىڭ نەگىزگى باعىتتارىن بەلگىلەدى. ول پەدياتريا جانە بالالار حيرۋرگياسى عىلىمي ورتالىعىمەن جانە «اقساي» ۋنيۆەرسيتەتتىك بالالار كلينيكاسىمەن بىرلەسىپ، «University Medical Center»كق بازاسىندا ورفاندىق اۋرۋلارى بار بالالاردى ەمدەۋگە ءبىرىڭعاي كەشەندى ءتاسىلدى قالىپتاستىرۋدىڭ ماڭىزدىلىعىن اتاپ ءوتتى.
كەزدەسۋدىڭ قورىتىندىسى بويىنشا قازاقستاندا قىمبات تۇراتىن مەديسينالىق قىزمەتتەر مەن ناۋقاستاردىڭ وسى ساناتى ءۇشىن دارى-دارمەكپەن قامتاماسىز ەتۋدىڭ قولجەتىمدىلىگىن ارتتىرۋعا مۇمكىندىك بەرەتىن ورفاندىق ورتالىق قۇرۋ تۋرالى شەشىم قابىلداندى.