ءورت وقيعاسى الماتىنىڭ مەدەۋ اۋدانىندا بولدى.
قۇتقارۋشىلار جانىپ جاتقان ۇيدەن 57 جاستاعى ەر ادامدى امان الىپ شىقتى، دەپ حابارلايدى Almaty-akshamy.kz.
6 ناۋرىز كۇنى كەشكى ساعات 18.58-دە الماتىدا جەكە تۇرعىن ءۇي ورتەندى. قىزىل جالىن كەيىن كورشىلەس 2 قاباتتى جەكە تۇرعىن ءۇيدىڭ شاتىرىنا تارالعان.
ءورت 20.02-دە تولىعىمەن ءسوندىرىلدى. وقيعا ورنىنان 1967 جىلعى ەر ادام قۇتقارىلىپ، جەدەل جاردەم قىزمەتكەرلەرىنە تاپسىرىلدى.
قازىرگى ۋاقىتتا ءورتتىڭ شىعۋ سەبەبى انىقتالىپ جاتىر.
ءتىلسىز جاۋدى ءسوندىرۋ جۇمىستارىنا الماتى قالاسىنداعى تجد-نىڭ 20 ادامى جانە 5 تەحنيكا جۇمىلدىرىلدى.