ەلىمىزدە وقۋ جىلى مەن كانيكۋلداردىڭ ۋاقىتى جاڭاشا بەلگىلەنەدى

بۇيرىق 11 قىركۇيەككە دەيىن قوعامدىق تالقىعا ۇسىنىلىپ وتىر.

ق ر وقۋ-اعارتۋ مينيسترلىگى جاڭا بۇيرىقتىڭ جوباسىن "اشىق نقا" پورتالىندا جاريالادى، دەپ حابارلايدى Almaty-akshamy.kz

وندا قازاقستان وقۋشىلارىنىڭ وقۋ جىلىنىڭ باستالۋى مەن اياقتالۋىنىڭ مەرزىمدەرى، سونداي-اق دەمالىس ۋاقىتى جاڭاشا بەلگىلەنگەن.

جاريالانعان اقپاراتقا سايكەس، مەنشىك نىسانىنا جانە ۆەدومستۆولىق باعىنىشتىلىعىنا قاراماستان ورتا ءبىلىم بەرۋ ۇيىمدارىندا الداعى وقۋ جىلى 2023 جىلدىڭ 1 قىركۇيەگىنەن باستاپ 2024 جىلدىڭ 25 مامىرىنا (قوسا ەسەپتەگەندە) دەيىن جالعاساتىن بولادى.

1-11 (12) سىنىپتاردا وقۋ جىلى ىشىندە توقسانداردىڭ جانە دەمالىستاردىڭ ۇزاقتىعى:

I-توقسان – 8 وقۋ اپتاسى، كۇزگى دەمالىس – 7 كۇن (2023 جىلعى 30 قازاننان باستاپ 5 قاراشانى قوسا العاندا)؛

II-توقسان – 8 وقۋ اپتاسى، قىسقى دەمالىس – 10 كۇن (2023 جىلعى 29 جەلتوقساننان باستاپ 2024 جىلعى 7 قاڭتاردى قوسا العاندا)؛

III-توقسان – 10 وقۋ اپتاسى، كوكتەمگى دەمالىس – 11 كۇن (2024 جىلعى 21-31 ناۋرىز ارالىعىندا)؛

1-سىنىپتاردا قوسىمشا دەمالىس – 7 كۇن (2024 جىلعى 5-11 اقپان ارالىعىندا).

IV-توقسان – 8 وقۋ اپتاسى.

سونىمەن قاتار 9 (10)-سىنىپ وقۋشىلارى ءۇشىن قورىتىندى ءبىتىرۋ ەمتيحاندارى – 2024 جىلعى 29 مامىردان باستاپ 10 ماۋسىم ارالىعىندا، ال 11 (12)-سىنىپ وقۋشىلارى ءۇشىن قورىتىندى ءبىتىرۋ ەمتيحاندارى – 2024 جىلعى 28 مامىردان باستاپ 11 ماۋسىم ارالىعىندا وتەدى.