قازاقستاندا وندىرىستىك جاراقاتتانۋدى تومەندەتۋ بويىنشا جۇمىستار جوسپارلى تۇردە جۇرگىزىلىپ جاتىر.
قابىلدانعان شارالاردىڭ ناتيجەسىندە سوڭعى 5 جىلدا وندىرىستە زارداپ شەككەندەردىڭ سانى 6،5%-عا، قازا تاپقاندار سانى 8،4%-عا ازايدى، دەپ حابارلايدى Almaty-akshamy.kz ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
الەمدە جىل سايىن 270 ملن-عا جۋىق جازاتايىم وقيعا جانە 2 ملن-نان استام ادام ءومىرىن قيعان 160 ملن كاسىبي اۋرۋ تىركەلەدى.
قازاقستاندا جىل سايىن كاسىپورىنداردا 1500-دەن استام جازاتايىم وقيعاعا جول بەرىلەدى، ونىڭ 200-گە جۋىعى ولىممەن اياقتالادى.
ەكونوميكا سالالارى بولىنىسىندە زارداپ شەككەندەردىڭ ەڭ كوپ سانى تاۋ-كەن مەتاللۋرگيا كەشەنىنىڭ كاسىپورىندارىندا – 16،2%، قۇرىلىس سالاسىندا – 15% بايقالادى.
قازىرگى كەزدە 386 مىڭنان استام جۇمىسكەرلەر زياندى جانە ءقاۋىپتى ەڭبەك جاعدايلارىندا جۇمىس ىستەيدى. شۋ مەن ءدىرىل دەڭگەيىنىڭ جوعارىلاۋى جاعدايىندا ءاربىر ەكىنشى (46،8%)، جۇمىس ايماعىنىڭ گازدانۋى مەن شاڭدانۋىنىڭ جوعارىلاۋى – ءاربىر ءۇشىنشى (33،2%) جانە قولايسىز تەمپەراتۋرا رەجيمىندە – ءاربىر التىنشى (16،7%) ادام جۇمىس ىستەيدى. اۋىر دەنە ەڭبەگىمەن 102،7 مىڭ (6،1%) جۇمىسشى اينالىسادى.
2022 جىلى 680 مىڭ قىزمەتكەر زياندى ەڭبەك جاعدايلارىندا جۇمىس ىستەگەنى ءۇشىن ءتۇرلى وتەماقى الدى. وسى ماقساتتارعا جۇمىس بەرۋشىلەر 207،6 ملرد تەڭگە ءبولدى، بۇل 2021 جىلمەن سالىستىرعاندا 24% - عا ارتىق.
سالاۋاتتى جانە ءقاۋىپسىز ەڭبەك جاعدايلارىن ودان ءارى قامتاماسىز ەتۋ ءۇشىن ەڭبەك جانە حالىقتى الەۋمەتتىك قورعاۋ مينيسترلىگى شارالار كەشەنىن قابىلداۋدا.
2022 جىلدىڭ قورىتىندىسى بويىنشا ەڭبەك قاۋىپسىزدىگى جانە ەڭبەكتى قورعاۋ سالاسىنداعى بۇزۋشىلىقتار ءۇشىن 119 لاۋازىمدى ادام اتقاراتىن لاۋازىمىنان بوساتىلدى. قۇقىق قورعاۋ ورگاندارىنا جازاتايىم وقيعالار بويىنشا 1094 ماتەريال جىبەرىلدى، ولار بويىنشا 192 قىلمىستىق ءىس قوزعالدى. جۇمىس ورىندارىندا ەڭبەك جاعدايلارىنىڭ ناقتى جاي-كۇيىن باعالاۋ ماقساتىندا 7061 وندىرىستىك وبەكتىنى اتتەستاتتاۋ وتكىزىلدى.
بۇزۋشىلىقتاردىڭ الدىن الۋ جانە بولدىرماۋ ماقساتىندا ەلىمىزدىڭ 3211 كاسىپورنى ەڭبەك قاۋىپسىزدىگى جانە ەڭبەكتى قورعاۋ ستاندارتتارىن ەنگىزدى.
2019 جىلدان باستاپ «نولدىك جاراقات – Vision Zero» تۇجىرىمداماسىن ىلگەرىلەتۋ بويىنشا جۇمىستار بەلسەندى جۇرگىزىلۋدە. بۇگىنگى تاڭدا وعان 425 كاسىپورىن قوسىلدى.