2021 جىلمەن سالىستىرعاندا قايتىس بولعاندار سانى 26،9%-عا تومەندەگەن.
ۇلتتىق ستاتيستيكا بيۋروسىنىڭ مالىمەتىنشە، قازاقستاندا 2022 جىلى 133،5 مىڭ ادام قايتىس بولعان، دەپ حابارلايدى Almaty-akshamy.kz
قايتىس بولعانداردىڭ 62،4% 63 جانە ودان جوعارى جاستاعىلار.
ءولىم-جىتىمنىڭ ەڭ جوعارى كورسەتكىشى سولتۇستىك قازاقستان (1000 ادامعا شاققاندا 11،63)، شىعىس قازاقستان (1000 ادامعا شاققاندا 11،58) جانە قوستاناي وبلىستارىندا (1000 ادامعا شاققاندا 10،65) بايقالدى، بۇل وسى وڭىرلەردەگى حالىقتىڭ جاس قۇرىلىمىمەن بايلانىستى.
2022 جىلى ءولىم-جىتىمنىڭ نەگىزگى سەبەپتەرى قان اينالىمى جۇيەسىنىڭ اۋرۋلارى – 22،7%، ىسىك – 10،4%، تىنىس الۋ ورگاندارىنىڭ اۋرۋلارى – 9،8%، جازاتايىم وقيعالار، ۋلانۋ مەن جاراقاتتار – 8،4% جانە اس قورىتۋ جۇيەسىنىڭ اۋرۋلارى – 8% بولدى.
بىلتىر 1 جاسقا تولماعان 3154 نارەستە قايتىس بولعان، نارەستە ءولىمى 1000 ءتىرى تۋىلعانعا شاققاندا 7،68 بولدى. (2021 ج. – 3732 نارەستە، كوەففيسيەنت – 8،44).