الماتىدا مەكتەپ جانىنداعى 200 جانە قالا سىرتىنداعى 19 لاگەر جۇمىس ىستەيتىن بولادى
الماتىدا مەكتەپ جانىنداعى 200 جانە قالا سىرتىنداعى 19 لاگەر بالالاردى قابىلداۋعا دايىن. وسى جايلى جانە لاگەرلەردە بالالاردىڭ ءقاۋىپسىز دەمالىسى قالاي قامتاماسىز ەتىلەتىنى تۋرالى وكق الاڭىندا قالالىق ءبىلىم باسقارماسى مەن تجد وكىلدەرى حابارلادى.
«الماتى قالاسىندا بۇگىندە قالا سىرتىنداعى 19 جانە مەكتەپ جانىنداعى 191 لاگەر بار. سونداي-اق، وقۋشىلار سارايىندا مەملەكەتتىك «ورنەك» لاگەرى بار. ورتاشا قۇنى - 100 مىڭنان 140 مىڭ تەڭگەگە دەيىن. مەكتەپ جانىنداعى لاگەرلەردە حالىقتىڭ الەۋمەتتىك وسال توپتارى، كوپ بالالى جانە از قامتىلعان وتباسىلار ساناتىنداعى بالالارعا تاماق تەگىن بەرىلەدى»، - دەدى الماتى قالاسى ءبىلىم باسقارماسىنىڭ تاربيە جۇمىسى جانە قوسىمشا ءبىلىم بەرۋ ءبولىمىنىڭ باسشىسى جانار ساعىندىقوۆا.
باسقارما بالالاردىڭ جازعى كەزەڭدە ءقاۋىپسىز دەمالۋى ءۇشىن، بوس ۋاقىتىن ۇيىمداستىرۋ تۇجىرىمداماسىن ازىرلەدى. ءارتۇرلى جاستاعى بالالارعا بەلگىلى ءبىر جاعدايلاردا ءوزىن قالاي ۇستاۋ كەرەكتىگى تۋرالى شەبەرلىك سىنىپتار مەن ترەنينگتەردە ۇيرەتىلەدى.
«بالالاردىڭ قاۋىپسىزدىگى - ەڭ ماڭىزدى ماسەلە. الماتى قالاسىنىڭ ءبىلىم باسقارماسى جازعى دەمالىستا ادىستەمەلىك ۇسىنىمدارمەن سۇيەمەلدەنەتىن تۇجىرىمداما ازىرلەدى. بالالار سۋ ايدىندارى مەن قوعامدىق ورىنداردا وزدەرىن قالاي ۇستاۋ كەرەكتىگى تۋرالى بارلىق نۇسقاۋلار بار. بالالاردى كىم جانە قانشا ادام سۇيەمەلدەۋى كەرەك، اقپاراتتاندىرۋ قالاي جۇزەگە اسىرىلۋى قاجەت. سوندىقتان، ەڭ باستىسى-قاۋىپسىزدىك. بالالاردى كەز-كەلگەن جەرگە، مۇراجايعا نەمەسە ءتىپتى ساياباققا شىعارماس بۇرىن مىندەتتى تۇردە قاۋىپسىزدىك تەحنيكاسى بويىنشا نۇسقاۋلىق جۇرگىزىلەدى»، - دەپ ءبولىستى الماتى قالاسى ءبىلىم باسقارماسى قالالىق ءبىلىم بەرۋدەگى جاڭا تەحنولوگيالاردىڭ عىلىمي- ادىستەمەلىك ورتالىعىڭ تاربيە جۇمىسىنىڭ جەتەكشىسى روزا اقماعانبەتوۆا.
سونداي-اق، قالالىق تجد لاگەرلەر اۋماعىندا قاۋىپسىزدىكتى ۇيىمداستىرۋ بويىنشا ءوز ۇسىنىستارىمەن ءبولىستى.
«ءورت قاۋىپسىزدىگى ەرەجەلەرىن ساقتاۋ بويىنشا بۇگىنگى كۇنى نۇسقاۋلىقتار جۇرگىزىلدى، سونداي-اق ءورت قاۋىپسىزدىگىنىڭ بار-جوعى تەكسەرىلدى. وبەكتىلەردە ءورت سوندىرگىشتەر بولۋى ءتيىس. ەگەر بۇل جازعى لاگەرلەر بولسا، وندا شاتىرلار نەمەسە كيىز ۇيلەردى ورنالاستىرعان كەزدە توپتار اراسىنداعى قاشىقتىق 15 م، شاتىرلار اراسىندا 2،5 مەتر بولۋى كەرەك. سونداي-اق، جازعى لاگەرلەر ىشكى جانە سىرتقى سۋ جۇيەسىمەن جابدىقتالماعان بولسا، ولاردىڭ جۇمىسىنا رۇقسات بەرىلمەيدى»، - دەدى مەدەۋ اۋدانى توتەنشە جاعدايلار باسقارماسىنىڭ باس مامانى، اعا لەيتەنانت ماعجان ەسەن.
