ەلىمىزدىڭ ەنەرگەتيكا مينيسترلىگى تارالىپ جاتقان جالعان جارناماعا سەنبەۋگە شاقىردى.
تاياۋدا الەۋمەتتىك جەلىدە ەۋروپاعا تاسىمالداناتىن مۇناي مەن گاز ەكسپورتىنان جوعارى تابىسقا قول جەتكىزۋگە بولادى دەگەن اقپارات تاراعان. قارجىلىق پلاتفورمالار تۋرالى ۆيرۋستىق جارنامانىڭ بىردە-بىرى شىندىققا جاناسپايدى، دەپ حابارلايدى Almaty-akshamy.kz.
مينيسترلىك تەك رەسمي پاراقشالاردا جاريالانعان اقپاراتتارعا سەنۋ كەرەكتىگىن ەسكەرتتى. سوڭعى كەزدە جالعان قارجىلىق كومپانيالار تاراپىنان راستالماعان اقپارات تاراتۋ جيىلەگەن. ولار ازاماتتاردى سەندىرۋ ءۇشىن تانىمال كومپانيالار مەن بانكتەردىڭ لوگوتيپتەرىن، جاڭالىق پورتالدارىن پايدالانادى، سونداي-اق قاتىسۋشى رەتىندە تانىمال تۇلعالاردى اتايدى. قارجى مونيتورينگى اگەنتتىگى قازاقستاندىقتاردى ساق بولۋعا شاقىرادى.