الەمدە مايمىل شەشەگى دەرتى ۋشىعىپ تۇر

يسپانيادا مايمىل شەشەگىن جۇقتىرۋدىڭ 5 مىڭنان استام جاعدايى تىركەلدى.

ۇلتتىق ەپيدەميولوگيالىق قاداعالاۋ جەلىسىنىڭ دەرەكتەرى بويىنشا 5162 جاعداي بەلگىلى. مادريدتە 1817 ادام جۇقتىردى، كاتالونيادا 1636 ازامات اۋىرىپ قالدى، اندالۋسيادا 632 ادام مايمىل شەشەگىن جۇقتىردى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-تىڭ Telegram كانالىنا سىلتەمە جاساپ.

يسپانيادا بۇل اۋرۋعا قارسى ۆاكسيناسيالاۋ جۇرگىزىلۋدە. ۆاكسيناسيا ءقاۋىپ توبىنداعى ادامدارعا جاسالادى، شامامەن 5 مىڭ دوزا تاراتىلدى.

 ۇلىبريتانيادا مايمىل شەشەگىنە قارسى ۆاكسينا جەتىسپەيدى. قورلار ەكى-ۇش اپتادان كەيىن تاۋسىلادى.

 اقش-تاعى جاعداي ۇقساس جانە بۇل ناۋقاستانعاندار سانى ەڭ كوپ ەل. ماسەلەن، سان-فرانسيسكودا ۆاكسيناسيا ورتالىعىندا ادامدار بىرنەشە ساعات تۇرادى. قالادا ۆيرۋس جۇقتىرعاندار سانىنىڭ وسۋىنە بايلانىستى توتەنشە جاعداي ەنگىزىلدى. ەڭ الدىمەن، ءقاۋىپ توبىنداعى ادامدار: مەديسينا قىزمەتكەرلەرى مەن ءداستۇرلى ەمەس جىنىستىق باعدارداعى ەر ادامدارعا ۆاكسيناسيا جاسالادى.

"مەن مۇندا تاڭعى ساعات 7:30-دا كەلدىم جانە ءۇش جارىم ساعات بويى تۇرمىن. جاقىندا مەنىڭ كەزەگىم كەلەدى دەپ ۇمىتتەنەمىن. مەن مۇندا وتكەن اپتادا كەلدىم، ماعان ۆاكسينا بۇگىن بولادى دەپ ايتتى. سوندىقتان مەن اۋرۋدان قورعانىشتى الۋ ءۇشىن كەلدىم"، - دەدى جەرگىلىكتى تۇرعىن.

 فرانسيادا اۋرۋ ورشىگەن ۋاقىتتان بەرى مايمىل شەشەگىن جۇقتىرۋدىڭ 2،6 مىڭنان استام جاعدايى تىركەلگەن.

ءبىر اپتا ىشىندە فرانسيادا وسى ينفەكسيانىڭ 362 جاعدايى انىقتالدى. مايمىل شەشەگىنىڭ راستالعان جاعدايلارىنىڭ 99%-ى ەرەسەك ەر ادامداردا انىقتالدى.

سونىمەن قاتار، فرانسيادا كوروناۆيرۋستىڭ تارالۋى جالعاسۋدا. 812 ادام COVID-19-بەن اۋرۋحاناعا جاتقىزىلدى، 87 ادام قايتىس بولدى.