بۇگىن استانادا «Green energy & waste recycling» VIII ەۋرازيالىق بيزنەس-فورۋمىنىڭ ەكىنشى كۇنى وتۋدە.
فورۋمنىڭ باعدارلاماسى بويىنشا مەتان بويىنشا ەكىنشى ۇلتتىق فورۋم وتۋدە، ونىڭ شەڭبەرىندە «قالدىقتاردى جيناۋ، سۇرىپتاۋ جانە قايتا وڭدەۋ سەكتورىنداعى يننوۆاسيالىق تەحنولوگيالىق شەشىمدەر» تەحنولوگيالىق سەسسياسى، «قالدىقتاردى باسقارۋدىڭ كەشەندى جۇيەسى: جەرگىلىكتى دەڭگەيدە جوسپارلاۋ جانە ىسكە اسىرۋ»، «ونەركاسىپتىك قالدىقتاردى ورنىقتى باسقارۋ: نورماتيۆتەر، ادىستەمەلەر جانە ESG تاسىلدەر» سەسسيالارى جۇمىس ىستەيتىن بولادى، قالدىقتاردى باسقارۋ سەكتورىنداعى شوب: پروبلەمالار مەن شەشىمدەر» اتتى پىكىرتالاس سەسسيالارى ءوتتى، دەپ حابارلايدى aqshamnews.kz ەكولوگيا ەانە تابيعي رەسۋرستار مينيسترلىگىنە سىلتەمە جاساپ.
بۇگىن ءىس-شارادا ەكولوگيا جانە تابيعي رەسۋرستار ۆيسە-مينيسترى م.وشۋربايەۆ ءسوز سويلەدى. ءوز سوزىندە مەملەكەتتىك ورگاندار ءۇشىن دە، بيزنەس قوعامداستىق ءۇشىن دە مەتان شىعارىندىلارىن ازايتۋ سالاسىنداعى ءوز ىس-ارەكەتتەرىن كورسەتۋ ءۇشىن بىرەگەي مۇمكىندىك ەكەنىن اتاپ ءوتتى.
م. وشۋربايەۆ مەتان شىعارىندىلارىن ازايتۋ، ينۆەستيسيالار تارتۋ، گرانتتار مەن باسقا دا قارجىلاندىرۋ كوزدەرىن ىزدەۋ بويىنشا اۋقىمدى جوبالاردى ىسكە اسىرۋ ءۇشىن قارجىلاندىرۋ ماسەلەلەرىنە تولىعىراق توقتالدى. مەتان شىعارىندىلارىن رەتتەۋ، ءتيىمدى نورماتيۆتىك-قۇقىقتىق بازانى ازىرلەۋ جانە ەنگىزۋ، سونداي-اق دەرەكتەردى جيناۋ جانە وڭدەۋ ماڭىزدى ماسەلەسىنە ناقتىلاي توقتالدى.
مەتان شىعارىندىلارى بويىنشا دەرەكتەردى ناقتىلاپ جيناۋ جانە وڭدەۋ ولاردى قىسقارتۋ جونىندەگى جوبالاردى تابىستى ىسكە اسىرۋدىڭ ماڭىزدى شارتى بولىپ تابىلادى.
ءسوز سوڭىندا ۆيسە-مينيستر ىنتىماقتاستىق جەمىستى بولاتىنىنا جانە ەلەۋلى ناتيجەلەرگە اكەلەتىنىنە سەنىم ءبىلدىردى.
سونداي - اق، اتالعان ءىس-شارادا ەكولوگيا مينيسترلىگىنىڭ كليماتتىق ساياسات دەپارتامەنتىنىڭ ديرەكتورى ساۋلە سابييەۆا ءسوز سويلەدى.
س. سابييەۆا مەتان شىعارىندىلارىنىڭ كوزدەرىن تۇگەندەۋ ماسەلەلەرىنىڭ جاي-كۇيىنە شولۋ جاساپ، ونى قىسقارتۋ جونىندەگى شارالار مەن ساياساتتى ىسكە اسىرۋعا بايلانىستى ماسەلەلەرگە توقتالدى.
ەستەرىڭىزگە سالا كەتەيىك، وتكەن جىلى COP28-دە مەملەكەت باسشىسى قازاقستاننىڭ مەتان بويىنشا جاھاندىق مىندەتتەمەگە بەيىلدىلىگى تۋرالى مالىمدەدى.