2024 جىلى قازاقستاندا 340 ملن استام مەملەكەتتىك قىزمەت ونلاين-فورماتتا كورسەتىلدى. بۇل تۋرالى ۇكىمەت وتىرىسىندا سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى جاسلان مادييەۆ مالىمدەدى، دەپ حابارلايدى aqshamnews.kz
ونىڭ ايتۋىنشا، بۇگىندە مەملەكەتتىك قىزمەتتەردىڭ 92%-ىن قاشىقتان الۋعا بولادى. سونىمەن قاتار ستاتيستيكا كورسەتكەندەي، ازاماتتار كوبىنەسە وعان سمارتفوندار ارقىلى – 90% جۇگىنەدى.
مەملەكەتتىك قىزمەتتەرگە قول جەتكىزۋدى مونوپولياسىزداندىرۋ شەڭبەرىندە نەگىزگى سەرۆيستەر تانىمال فينتەح-پلاتفورمالارعا ينتەگراسيالاندى، بۇل حالىقتى سيفرلىق قىزمەتتەرمەن قامتۋدى ەداۋىر ارتتىردى.
بۇعان قوسا، قازاقستاندىقتار QR-قولتاڭبا مەن بيومەتريانى سەنىمدى قولدانا باستادى. سيفرلىق قۇجاتتار قىزمەتى ەرەكشە تانىمال بولۋدا، ءبىر جىل ىشىندە ازاماتتار ونى 292 ملن رەت قولداندى.