مەيىرگەر ءىسىن دامىتۋعا باعىتتالعان AccelEd جوباسىنا شەتەلدىك عالىمدار قىزىعۋشىلىق تانىتتى
وسىعان وراي، ەلوردادا «قازاقستانداعى مەيىرگەرلىك ءبىلىم، زەرتتەۋلەر مەن پراكتيكا» اتتى حالىقارالىق كونفەرەنسيا ءوتتى. وعان ليتۆا، نيدەرلاندى، فينليانديا مەن ەلدەگى مەديسينا ۋنيۆەرسيتەتتەرىنىڭ عالىمدارى قاتىسىپ، تاجىريبە الماستى.
جالپى جىل سايىن قازاقستاندىق وقۋ ورىندارىندا 23 مىڭ ورتا مەديسينا قىزمەتكەرى، ونىڭ ىشىندە 6 مىڭعا جۋىق مەيىرگەر، 3 مىڭ پراكتيك مامان شىعارىلادى. ءقازىر كوللەدجدەردە 93 مىڭنان استام بولاشاق مەديسينا قىزمەتكەرلەرى ءبىلىم الىپ جاتىر.
"2017 جىلدان باستاپ ءبىز مەيىرگەر ءىسى بويىنشا حالىقارالىق ستاندارتتارعا سايكەس ءوزىمىزدىڭ ستاندارتتاردى جاسادىق. وسى مەيىرگەر ىسىندە وقيتىن ستۋدەنتتەر زەرتتەۋ، ساپالىق، ساندىق زەرتتەۋلەر بويىنشا ءبىلىم الا الادى. مەنەدجمەنت بويىنشا ءبىلىم الا الادى. نەگىزگى ماقسات – دس سالاسىنداعى كلينيكالىق كومەك كورسەتە الاتىن مامانداردى دايىنداۋ"، - دەيدى «استانا مەديسينا ۋنيۆەرسيتەتى» كەاق دەپارتامەنتىنىڭ ديرەكتورى جانار بوكەيەۆا.