ەلىمىزدە مەدبيكەلەرگە جاۋاپكەرشىلىك ارتا تۇسپەك

العاشقى مەديسينالىق-سانيتارلىق كومەك كورسەتۋدە مەدبيكەلەرگە جاۋاپكەرشىلىك جۇكتەلەدى.

ەندى ولار ناۋقاستاردى قابىلداپ، اۋرۋدى ەمدەۋگە نەمەسە ونىڭ الدىن الۋعا كەڭەس بەرىپ كومەكتەسەدى. وسىلايشا، وتباسىلىق دارىگەرلەرگە تۇسەتىن سالماق ازايادى. وسى جانە وزگە دە ماسەلەلەر دۇنيەجۇزىلىك دەنساۋلىق ساقتاۋ ۇيىمىنىڭ ەۋروپالىق ورتالىعى ۇيىمداستىرعان جيىندا تالقىلاندى، دەپ  حابارلايدى Almaty-akshamy.kz 24.kz-سىلتەمە جاساپ. 

سونداي-اق تاجىكستاننان كەلگەن دارىگەرلەر قازاقستاندا اشىلعان العاشقى مەديسينالىق كومەك كورسەتەتىن پلاتفورمانىڭ جۇمىسىمەن تانىستى.

«ءبىزدىڭ جۇمىسىمىز ساپالى قىزمەت كورسەتۋدى كوزدەيدى. تاجىكستاندا حالىقتىڭ 73% اۋىلدى جەردە تۇرادى. سوندىقتان ءبىز وسى جاعىن ەسكەرۋ كەرەكپىز. العاشقى مەديسينالىق-سانيتارلىق كومەك كورسەتۋدە سىزدەردىڭ ەلدەگى تاجىريبەنىڭ ءتيىمدى تۇستارىن ەنگىزۋدى جوسپارلاپ وتىرمىز. ارينە، حالىققا مەديسينالىق قىزمەت قولجەتىمدى بولۋى ءتيىس»، - دەيدى «وتباسىلىق مەديسينا وقۋ-كلينيكالىق ورتالىعى» مم ءبولىم باسشىسى بۋنافشا دجونوۆا.

«قازاقستان العاشقى مەديسينالىق-سانيتارلىق كومەك كورسەتۋ بويىنشا كوشباسشى سانالادى. بۇعان دەيىن وزبەكستان مەن قىرعىزستاننان دەلەگاسيا كەلىپ كەتكەن. مۇندا دەمونستراسيالىق پلاتفورما كوكتەمدە اشىلعان. مۇنداي شارالار العاشقى مەديسينالىق كومەكتى كۇشەيتىپ، كەدەرگىلەردى جويۋدى كوزدەيدى. ناقتى مەديسينالىق قىزمەتتى ينگەراسيالاۋدىڭ ءتيىمدى تاسىلدەرىن ۇسىنادى»، - دەيدى مساك بويىنشا ددسۇ ەۋروپالىق ورتالىعىنىڭ كەڭسە جەتەكشىسى مەليتتا ياكاب.