قازاقستاندا بيىلعى 1 ماۋسىمداعى جاعداي بويىنشا قوي سانى 25،9 ملن باستى قۇرادى.
2022 جىلدىڭ قاڭتار-مامىر ارالىعىمەن سالىستىرعاندا مال باسى 4،1%-عا وسكەن، دەپ حابارلايدى Almaty-akshamy.kz.
ۇلتتىق ستاتيستيكا بيۋروسىنىڭ مالىمەتىنە ساي، ەڭ كوپ سانى تۇركىستان وبلىسىندا – 5،9 ملن باس. ودان كەيىن ءتىزىم باسىندا جامبىل جانە الماتى وبلىستارى: سايكەسىنشە 3،9 ملن جانە 3،2 ملن باس.
شوپان اتا تۇلەگىنىڭ ەڭ كوپ ءوسىمى ەلوردادا تىركەلدى – 39،4%-عا. الماتىدا كەرىسىنشە قوي باسى 21،6% ازايعان.
ايتا كەتەيىك، قويدىڭ 48% حالىقتىڭ جەكەجايىندا، تاعى 47%-ى جەكە كاسىپكەرلەر مەن شارۋا قوجالىقتارىنىڭ، قالعان 5%-ى شارۋاشىلىق كاسىپورىنداردىڭ قولىندا.
سونىمەن قاتار بيىلعى 5 ايدا ەشكىلەردىڭ سانى بىلتىرعى سايكەس كەزەڭمەن سالىستىرعاندا 1،7%-عا ارتىپ، 3،2 ملن باستى قۇرادى.