بەس كوللەدج ستۋدەنتتەردى ليسەنزياسىز وقىتقان.
بۇل تۋرالى وقۋ-اعارتۋ مينيسترلىگىنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz.
ءبىلىم سالاسىنداعى ساپانى قامتاماسىز ەتۋ كوميتەتىنىڭ مالىمەتىنشە، مەملەكەتتىك اتتەستاتتاۋ كەزىندە تەحنيكالىق جانە كاسىپتىك ءبىلىم بەرۋدەگى ءبىرقاتار پروبلەما انىقتالدى.
«مەملەكەتتىك اتتەستاتتاۋدى وتكىزۋ بارىسىندا ليسەنزياسىز ءبىلىم بەرۋ قىزمەتىمەن اينالىسقان كوللەدجدەر انىقتالدى. بۇل – قوستاناي وبلىسى دەنيسوۆ كاسىپتىك-تەحنيكالىق كوللەدجى، قاراعاندى وبلىسى ا.مۋسين اتىنداعى بالقاش گۋمانيتارلىق-تەحنيكالىق كوللەدجى، قاراعاندى جوعارى گۋمانيتارلىق، اقتوبە گۋمانيتارلىق-تەحنيكالىق كوللەدجى جانە تەمىرتاۋ جوعارى پوليتەحنيكالىق كوللەدجى»، – دەدى كوميتەت ءتوراعاسى ەرنۇر داۋەنوۆ.
سونداي-اق تەكسەرىلگەن 315 تەحنيكالىق جانە كاسىپتىك ءبىلىم بەرۋ ۇيىمىنىڭ 198ء-ى اتتەستاتتاۋدان وتپەگەن. ولاردىڭ باسىم بولىگى اقمولا، قاراعاندى، باتىس قازاقستان، الماتى، قىزىلوردا، پاۆلودار، جەتىسۋ جانە تۇركىستان وبلىستارىندا ورنالاسقان.
اتتەستاتتاۋدان وتپەۋدىڭ سەبەبى – تەحنيكالىق جانە كاسىپتىك ءبىلىم ۇيىمدارى ازىرلەيتىن ءبىلىم بەرۋ باعدارلامالارىنا ساي بولماۋى، مجمبس تالاپتارىنا سايكەس وقىتۋشىلاردىڭ ساپالىق قۇرامىنىڭ (ءتيىستى ساناتتاعى وقىتۋشىلاردىڭ ازدىعى) بولماۋى.