ەلىمىزدە كرەديت العاندار سانى ءوستى

كرەديت الۋ بويىنشا الماتى قالاسى كوشباستاپ تۇر

قارجى نارىعىن رەتتەۋ جانە دامىتۋ اگەنتتىگى ەلىمىزدە تۇتىنۋشىلىق كرەديت الۋشىلار سانى وسكەنىن مالىمدەدى، دەپ حابارلايدى Almaty-akshamy.kz.

«اعىمداعى جىلعى 8 ايدىڭ قورىتىندىسى بويىنشا تۇتىنۋشىلىق قارىزدار 2020 جىلمەن سالىستىرعاندا ەداۋىر جەدەلدەپ (2020 جىلى تۇتىنۋشىلىق قارىزدار 4،3%-عا ۇلعايدى)، 5،4 ترلن تەڭگەگە دەيىن 23،8%-عا نەمەسە ەكونوميكاعا كرەديتتەردىڭ 33%-نا (جىل باسىندا 30%) ۇلعايدى. وسى كورسەتكىشتىڭ ءوسۋى بيىل ءجىو مەن حالىق تابىسىنىڭ نومينالدى وسىمىنەن ەداۋىر اسىپ تۇسەدى، بۇل تۇتىنۋشىلىق كرەديت بەرۋ نارىعىنداعى تاۋەكەلدەردىڭ ارتۋىن راستايدى»، - دەلىنگەن حابارلامادا.

وسى جىلدىڭ باسىنان باستاپ جاڭادان بەرىلگەن تۇتىنۋشىلىق قارىزداردىڭ 88%-ىن 3 بانك: «Kaspi Bank» اق، «قازاقستان حالىق بانكى» اق، «سبەربانك» اق ەب قامتاماسىز ەتتى.

ال مەملەكەتتىك كرەديتتىك بيۋرونىڭ دەرەكتەرى بويىنشا قارىز الۋشىلاردىڭ كوپشىلىگىندە، ياعني 72%-دا، كرەديتتەر بويىنشا بەرەشەگى بورىشىنىڭ ورتاشا سوماسى 1 ملن تەڭگەگە دەيىن ورتاشا العاندا 339،2 مىڭ تەڭگە بولادى.

تۇتىنۋشىلىق كرەديتتەر بويىنشا قارىز الۋشىلاردىڭ نەگىزگى ۇلەسى ەلىمىزدىڭ ءىرى قالالارى – الماتىدا (24،1%)، نۇر-سۇلتاندا (9%)، شىمكەنتتە (7%) شوعىرلانعان.