ەلىمىزدە كوممۋنالدىق تاريفتەر نەگە قىمباتتادى؟

قازاقستاندىق كوممۋنالدىق كاسىپورىندارداعى تەحنيكالاردىڭ ءبىرازى ەسكىرگەن.

تاريفتەردى كوتەرۋدەن تۇسكەن اقشا ينجەنەرلىك ينفراقۇرىلىمدى قالپىنا كەلتىرۋگە جۇمسالادى، دەپ حابارلايدى Almaty-akshamy.kz

ستراتەگيالىق تاۋارلار باعاسىنىڭ ءوسۋى مەن ەلەكتر قۋاتىنىڭ قىمباتتاۋى قازاقستاندا كوممۋنالدىق قىزمەت تاريفتەرىنىڭ وسۋىنە اسەر ەتەتىن نەگىزگى فاكتورلاردىڭ ءبىرى.

Energyprom.kz باسىلىمىنىڭ جازۋىنشا، "ءتاريفى ينۆەستيسياعا ايىرباستاۋ" باعدارلاماسىن ىسكە اسىرۋ اياسىندا 2023 جىلدىڭ ەكىنشى توقسانىندا قازاقستان رەسپۋبليكاسىنىڭ ۇلتتىق ەكونوميكا مينيسترلىگى تاريفتەردى كوتەرۋگە 212 ءوتىنىمدى ماقۇلدادى. بۇل وتىنىمدەردى كوممۋنالدىق كاسىپورىندار – تابيعي مونوپوليالار سۋبەكتىلەرى بەرگەن.

ساراپشىلاردىڭ پىكىرىنشە، قازاقستانداعى تاريفتەردىڭ وسۋىنە اسەر ەتكەن نەگىزگى فاكتورلار:

ەلەكتر ەنەرگياسى باعاسىنىڭ ءوسۋى (+27%)؛

تاۋار گازدىڭ كوتەرمە باعاسىنىڭ ءوسۋى (+12%)؛

كوممۋنالدىق كاسىپورىندار قىزمەتكەرلەرىنىڭ جالاقىسىن ارتتىرۋ؛

ستراتەگيالىق تاۋارلاردىڭ قۇنىن كوتەرۋ – كومىر، مازۋت جانە ت.ب.

تاريفتەردى كوتەرۋدەن تۇسكەن اقشا ينجەنەرلىك ينفراقۇرىلىمدى قالپىنا كەلتىرۋگە جۇمسالادى. قازاقستاندىق كوممۋنالدىق كاسىپورىندارداعى تەحنيكالاردىڭ ءبىرازى ەسكىرگەن.

"قازاقستاننىڭ كوممۋنالدىق ينفراقۇرىلىمى جاڭعىرتۋدى جانە جوندەۋدى قاجەت ەتەدى، سالاعا ساپالى كادرلاردى تارتۋ ءۇشىن قىزمەتكەرلەردىڭ جالاقىسىن كوتەرۋ كەرەك، قاراۋسىز قالعان جەلىلەردى رەتكە كەلتىرەتىن ۋاقىت كەلدى. وسى شارالاردىڭ بارلىعى قازاقستاندىقتاردى كوممۋنالدىق سالادا ساپالى قىزمەت كورسەتۋ ءۇشىن قاجەت. سوندىقتان دا ەلىمىزدە "ءتاريفى ينۆەستيسياعا ايىرباستاۋ" باعدارلاماسى قولعا الىندى"، – دەپ مالىمدەدى Energyprom.kz.