ەلىمىزدە كىتاپ وقۋعا دەگەن قىزىعۋشىلىق ارتادى

سيفرلىق اقپارات قۇرالدارىنىڭ كوبەيۋى مەن ەلەكتروندىق كىتاپتاردىڭ پايدا بولۋى كىتاپحانالاردىڭ جويىلىپ كەتۋىنە اكەلمەيدى - ماماندار.

بىلتىر كىتاپحاناعا بارۋ بويىنشا رەكوردتىق جىل بولدى. ۇلتتىق ستاتيستيكا بيۋروسىنىڭ مالىمەتى بويىنشا، كەلۋشىلەر سانى 2021 جىلى 6 ميلليون ادامنان اسقان، دەپ حابارلايدى Almaty-akshamy.kz «حابار 24»-كە سىلتەمە جاساپ.

 «ءبىز كىتاپقۇمارلار  كلۋبىندا ءاربىر شىعارمانى نە بولماسا تۋىندىنى باستان-اياق زەرتتەيمىز. ءارتۇرلى جانرالارداعى كىتاپتاردى وقىپ، ونى تالدايمىز. ءبىراق وقىرمانداردىڭ كوپشىلىگى رومان، قازاق ادەبيەتى، ۋتوپيا، ديستوپيا جانە فانتاستيكا، قيال جانرىن جاقسى كورەدى»، - دەدى وقىرماندار كلۋبىنىڭ قۇرىلتايشىسى ءمادينا ءسادۋاقاسوۆا.

«بۇگىندە قازاقستاندىق جازۋشىلاردىڭ تۋىندىلارى سۇرانىسقا يە»، - دەيدى استاناداعى ورتالىق كىتاپحانا وكىلدەرى. ايتا كەتەيىك، مۇندا جىل سايىن 7 مىڭنان استام جاڭا وقىرمان تىركەلەدى. سونىمەن قاتار ەگەر پايدالانۋشىلاردىڭ 30% ستۋدەنتتەر بولسا، قالعاندارى ورتا جاستاعى ادامدار مەن زەينەتكەرلەر.

 «ءقازىر كىتاپسۇيەر قاۋىمنىڭ سانى ارتۋدا. بۇل ءبىر ءۇردىس سەكىلدى. جاستار جاڭا تۋىندىلارعا قىزىعۋشىلىق تانىتادى جانە ءىلياس ەسەنبەرليننىڭ «كوشپەندىلەر» كىتابىن قازاق جانە ورىس تىلىندە وقيتىندار كوپ. سونداي-اق، احمەت بايتۇرسىنوۆ پەن بەردىبەك سوقپاقبايەۆتىڭ تۋىندىلارى دا سۇرانىسقا يە»، - دەيدى م. اۋەزوۆ اتىنداعى ورتالىق قالالىق كىتاپحانا ءبولىمىنىڭ باسشىسى گۇلايىم جۇمابايەۆا.

 شەتەلدىك، سونداي-اق قازاق جانە ورىس كلاسسيكتەرىنىڭ روماندارىنا دا سۇرانىس ارتقان. ايتپاقشى، وقىرمانداردىڭ 34% - كىتاپحانالاردىڭ ينتەرنەت-رەسۋرسىن پايدالانۋشىلار.