ەلىمىزدە كەدەيلەر سانى كوبەيگەن

بيىلعى II توقساندا جان باسىنا شاققانداعى ەڭ تومەنگى كۇنكورىس دەڭگەيىنىڭ شاماسى ايىنا 43 100 تەڭگە بولعان.

قازاقستاندا كەدەيلىك شەگىندە ءومىر سۇرەتىن حالىق سانى ارتتى، دەپ حابارلايدى دەپ حابارلايدى Almaty-akshamy.kz

ءۇي شارۋاشىلىقتارىن ىرىكتەمەلى زەرتتەۋ بويىنشا تابىسى ەڭ تومەنگى كۇنكورىس دەڭگەيىنەن تومەن حالىقتىڭ ۇلەسى (كەدەيلىك دەڭگەيى) 2022 جىلعى II توقساندا 5،1% بولدى، بۇل 2021 جىلعى ءتيىستى كەزەڭمەن سالىستىرعاندا 0،3 پايىزعا جوعارى.

اباي،  الماتى، جەتىسۋ، قاراعاندى،  ۇلىتاۋ جانە شىعىس  قازاقستان وبلىستارى بويىنشا باعالاۋ دەرەكتەرى كەلتىرىلگەن.

كەدەيلىك قاۋپىنە ءۇي شارۋاشىلىقتارىنىڭ كولەمى قاتتى اسەر ەتەدى. وسىلايشا، 5 جانە ودان دا كوپ ادامنان تۇراتىن ءۇي شارۋاشىلىقتارى اراسىنداعى كەدەيلىك دەڭگەيى 2022 جىلعى II توقسانىنىڭ قورىتىندىسى بويىنشا 9،3%، بۇل جالپى كەدەيلىك دەڭگەيىنەن 2 ەسەگە جۋىق ارتىق، - دەلىنگەن ستاتيستيكا كوميتەتى تاراتقان حابارلامادا.

ەستەرىڭىزگە سالا كەتەيىك، ەل  بويىنشا 2022 جىلعى II توقساندا ايىنا ورتا ەسەپپەن جان باسىنا شاققانداعى ەڭ تومەنگى كۇنكورىس دەڭگەيىنىڭ شاماسى 43 100 تەڭگەنى قۇرادى.