كارتوپ ەكسپورتى قايتا جانداندى، - دەپ حابارلايدى Aqshamnews.kz.
اۋىل شارۋاشىلىعى مينيسترلىگىنىڭ دەرەگىنشە، 2025 جىلى شەتەلگە 450 مىڭ تونناعا دەيىن ءونىم جونەلتۋ جوسپارلانىپ وتىر.
بيىل كارتوپ ەگىلەتىن القاپتار 11 مىڭ گەكتارعا كەڭەيتىلدى. سونىڭ ارقاسىندا 2،7 ميلليون تونناعا دەيىن ءونىم الۋ كۇتىلۋدە. ىشكى نارىقتاعى جىلدىق سۇرانىس شامامەن 2 ميلليون توننا كولەمىندە.
ۆەدومستۆو مالىمەتىنشە، العاشقى جەتكىزىلىمدەر باستالىپ كەتتى. 4 قىركۇيەككە دەيىن 8،7 مىڭ توننا كارتوپ وزبەكستانعا ەكسپورتتالعان.
ىشكى نارىقتا باعا دا تومەندەپ وتىر. ءقازىر كارتوپتىڭ ورتاشا بولشەك باعاسى 1 كيلوگرامم ءۇشىن 194 تەڭگە دەڭگەيىندە. مينيسترلىكتىڭ بولجامىنشا، 2026 جىلدىڭ كوكتەمىندە كارتوپ قۇنى 185 تەڭگەدەن اسپايدى.