بيىل قازاق جىلقىسىنىڭ تۇقىمىن ساقتاۋ جانە كوبەيتۋ ءۇشىن ارنايى زاڭ قابىلداندى.
پرەزيدەنت قاسىم-جومارت توقايەۆ جىلقى شارۋاشىلىعى ينستيتۋتىن قۇرۋدى تاپسىردى، دەپ حابارلايدى aqshamnews.kz
مەملەكەت باسشىسى جىلقى سانى ۇزدىكسىز ءوسىپ كەلە جاتقانىن، ءبىراق اسىل تۇقىمدى جىلقىنىڭ ۇلەسى ءبىر پايىزعا دا جەتپەيتىنىن ەرەكشە اتاپ ءوتتى. رەسمي مالىمەتكە سايكەس، 4،2 ميلليون جىلقىنىڭ 40 مىڭى عانا اسىل تۇقىمدى. سوندىقتان مال تۇقىمىن اسىلداندىرۋ جۇمىسىنا باسا ءمان بەرگەن ءجون.
"بيىل قازاق جىلقىسىنىڭ تۇقىمىن ساقتاۋ جانە كوبەيتۋ ءۇشىن ارنايى زاڭ قابىلدادىق. ەندى بۇل باعىتتا تاعى ءبىر ماڭىزدى قادام جاسايمىز. مەن ۇكىمەتكە جىلقى شارۋاشىلىعى ينستيتۋتىن قۇرۋدى تاپسىرامىن. بىلىكتى ماماندار مۇنى كوپتەن بەرى ايتىپ ءجۇر. قۇزىرلى ورگاندار قىسقا مەرزىم ىشىندە وسى ماسەلەنى پىسىقتاپ، قارجى كوزدەرىن ناقتىلاۋى كەرەك"، - دەدى توقايەۆ.
مەملەكەت باسشىسى قوستاناي جىلقىسىنىڭ جوعالىپ كەتۋدىڭ از-اق الدىندا تۇرعانىن دا جەتكىزدى. بۇگىندە نەبارى 280 باس قالعان.