ەلىمىزدە «جىل ۆولونتەرى» حالىقارالىق سىيلىعىنا كونكۋرس جاريالاندى

بۇل بايقاۋدى مادەنيەت جانە اقپارات مينيسترلىگى جاريالادى. 

كونكۋرس ۆولونتەرلىك قوزعالىستى دامىتۋ مەن قولداۋعا، سونداي-اق الەۋمەتكە جانە قوعامعا پايدالى مىندەتتەردى شەشۋگە ەلەۋلى ۇلەس قوسقان وتاندىق جانە حالىقارالىق ۆولونتەرلەر مەن ۆولونتەرلىك توپتاردى، ۆولونتەرلىك ۇيىمداردى ىنتالاندىرۋعا باعىتتالعان، دەپ حابارلايدى aqshamnews.kz اتالعان مينيسترلىككە سىلتەمە جاساپ. 

سىيلىق ادامدارعا كومەك كورسەتۋ، قورشاعان ورتانى قورعاۋ، ءبىلىم بەرۋ مەن مادەنيەتتى دامىتۋ، توتەنشە جاعدايلاردىڭ دەر كەزىندە شەشىمىن تابۋ جانە قوعامدىق ءومىردىڭ باسقا سالالارىندا دا جۇيەلى قىزمەت اتقارعان ۆولونتەرلەر قاۋىمداستىعىنىڭ ەڭ بەلسەندى وكىلدەرىن انىقتاۋعا ارنالعان.

سىيلىق 15 نوميناسيا بويىنشا تاعايىندالادى:

ۇزدىك ۆولونتەرلىك ۇيىم؛

كورپوراتيۆتىك ۆولونتەرلىك كوشباسشى؛

تۇراقتى دامۋ ماقساتىنىڭ كوشباسشىلارى؛

ۇزدىك الەۋمەتتىك كومەكشى؛

توتەنشە جاعدايلاردى جويۋعا بەلسەندى قاتىسقانى ءۇشىن؛

حابار-وشارسىز كەتكەن ادامداردى ىزدەۋگە بەلسەندى قاتىسقانى ءۇشىن؛

قۇقىق بۇزۋشىلىق قۇرباندارىنا كومەك كورسەتۋگە بەلسەندى قاتىسقانى ءۇشىن؛

دەنساۋلىق ساقتاۋدى دامىتۋعا بەلسەندى قاتىسقانى ءۇشىن؛

سالاۋاتتى ءومىر سالتىن ناسيحاتتاۋعا بەلسەندى قاتىسقانى ءۇشىن؛

ءبىلىمدى ايگىلەۋدەگى ۇلەسى ءۇشىن؛

قورشاعان ورتانى ساقتاۋ جانە قورعاۋ ءۇشىن قوسقان ۇلەسى ءۇشىن؛

بەيبىتشىلىكتى، دوستىق پەن كەلىسىمدى نىعايتۋعا قوسقان ۇلەسى ءۇشىن؛

تاريحي-مادەني مۇرالاردى ساقتاۋعا جانە دامىتۋعا قوسقان ۇلەسى ءۇشىن؛

جانۋارلاردى قورعاۋ ماسەلەلەرىن شەشۋگە قوسقان ۇلەسى ءۇشىن؛

الەۋمەتتىك مىندەتتەردى شەشۋگە قوسقان ۇلەسى ءۇشىن.

2024 جىلعى 25 شىلدە مەن 5 قىركۇيەك ارالىعىندا «Qazvolunteer.kz» سايتىندا قۇجاتتاردى قابىلدانادى.

«جىل ۆولونتەرى» حالىقارالىق سىيلىعىن تاعايىنداۋ قاعيدالارىمەن جانە قاجەتتى قۇجاتتار تىزىمىمەن «Qazvolunteer.kz» نەمەسە www.adilet.kz (ق ر اقپارات جانە قوعامدىق دامۋ ءمينيسترىنىڭ 2020 جىلعى 12 قازانداعى № 339 جانە 2022 جىلعى 2 قاراشاداعى № 481 بۇيرىقتارى) سايتتارىنان تانىسۋعا بولادى. 

سىلتەمە: https://adilet.zan.kz/rus/docs/V2000021420

قاتىسۋ ەرەجەلەرى مەن قۇجاتتاردى تاپسىرۋ ءتارتىبى تۋرالى تولىق اقپاراتتى +7 (7172) 741286، 740311 بايلانىس نومىرلەرى نەمەسە r.krasnoschekov@mki.gov.kz ەلەكتروندىق پوشتاسى ارقىلى الۋعا بولادى.