جاڭادان اشىلاتىن دەمالىس ورىندارىنىڭ سانى -15
ولار سقو-دا پايدا بولادى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
جاڭا تۋريستىك نىساندار «يمانتاۋ-شالقار» كۋرورتتىق ايماعىندا اشىلادى. ءقازىر ولاردىڭ سانى 6-عا جەتتى. بيىل قاڭتار ايىنان باستاپ تۋريزم سالاسىندا جۇمىس ىستەيتىن وتاندىق كاسىپكەرلەر مەملەكەتتىك قولداۋعا يە بولادى. سۋبسيديا نىسانداردىڭ قۇرىلىسىنا عانا ەمەس، سونداي-اق ولاردى قايتا جاڭارتۋعا دا قاراستىرىلعان. شىعىنداردى وتەۋگە وتىنىمدەر 1 ناۋرىزعا دەيىن قابىلدانادى. ول بيىل قولدانىسقا ەنگىزىلگەن نىساندارعا بەرىلەدى.
«بۇل قارجى تۋريستىك وبەكتىلەردى سالۋعا جانە قايتا جاڭعىرتۋعا كەتكەن شىعىنداردىڭ ءبىر بولىگىن وتەيدى. ناقتىراق ايتساق، كاسىپكەرگە ساراپتاما قورىتىندىسى كورسەتكەن سومانىڭ 10% كولەمىندە سۋبسيديا قاراستىرىلعان. ەگەر تۋريستىك ماقساتقا كولىك الساڭىز - 25%، ال جول بويىنداعى سەرۆيستىك وبەكتىلەردى سالۋعا 10% كولەمىندە دەمەۋقارجى بولىنبەك. سونداي-اق سانيتارلىق-گيگيەنالىق توراپتاردى ۇستاۋعا اي سايىن 83 300 تەڭگەدەن بەرىلەدى»، - دەيدى وبلىستىق كاسىپكەرلىك باسقارماسى باسشىسىنىڭ ورىنباسارى دانيار يسايەۆ.