16 ادام الكوگولدىك ىشىمدىكتەر ىشكەن نەمەسە قوعامدىق ورىنداردا ماساڭ كۇيىندە بولعان.
ەلىمىزدە جىل باسىنان بەرى ءتۇرلى اكىمشىلىك قۇقىق بۇزۋشىلىق جاساعان 39 ادام اۋە رەيستەرىنەن ءتۇسىرىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ەلىمىزدىڭ كولىك پوليسەيلەرى وسى جىلدىڭ باسىنان بەرى ءتۇرلى اكىمشىلىك قۇقىق بۇزۋشىلىق جاساعان 39 ازاماتتى اۋە رەيستەرىنەن ءتۇسىردى، ونىڭ 16-سى الكوگولدىك ىشىمدىكتەر ىشكەنى نەمەسە قوعامدىق ورىنداردا ماساڭ كۇيىندە بولعانى ءۇشىن، 5-ەۋى اۋە كەمەسىندە مىنەز-قۇلىق قاعيدالارىن بۇزعانى ءۇشىن جانە تاعى دا باسقا تەرىس قىلىقتارى ءۇشىن تۇسىرىلگەن.
بۇل تۋرالى كولىكتەگى پوليسيا دەپارتامەنتى اكىمشىلىك پوليسيا باسقارماسىنىڭ باستىعى داۋلەت مولداحانوۆ حابارلادى. ونىڭ ايتۋىنشا، استانا قالاسى اۋەجايىنداعى جەلىلىك پوليسيا بولىمىنە FlyArystan اۋەكومپانياسىنىڭ وكىلدەرىنەن «تۇركىستان – استانا» باعىتىنداعى رەيستىڭ جولاۋشىسىنا قاتىستى شارا قابىلداۋ تۋرالى حابارلاما ءتۇستى. اۋە كەمەسى استاناعا ۇشىپ كەلىسىمەن جولاۋشى ايەل اكت بويىنشا پوليسەيلەرگە بەرىلدى.
«تەكسەرۋ بارىسىندا كولىك ساقشىلارى ماساڭ كۇيىندە بولعان جانە ۇشاق بورتىنداعى قاۋىپسىزدىك ەرەجەلەرىنە باعىنباعان تۇركىستان قالاسىنىڭ 37 جاستاعى تۇرعىنىن انىقتادى. قۇقىق بۇزۋشىعا قاتىستى ق ر اقبتك-نىڭ 440-بابى 1-بولىگى جانە ق ر اقبتك-نىڭ 566-بابى 1-بولىگى بويىنشا ەكى اكىمشىلىك حاتتاما تولتىرىلىپ، 8 ايلىق ەسەپتىك كورسەتكىش (27 600 تگ) مولشەرىندە ايىپپۇل سالىندى»، - دەدى د.مولداحانوۆ.
ەستەرىڭىزگە سالا كەتەيىك، ازاماتتاردىڭ اۋە كەمەسىنىڭ بورتىندا مىنەز-قۇلىق ەرەجەلەرىن بۇزۋى قالعان جولاۋشىلارعا قولايسىزدىق كەلتىرىپ قانا قويماي، ۇشۋ قاۋىپسىزدىگىنە قاتەر ءتوندىرۋى مۇمكىن.