ماجىلىسكە ماسس-مەديا تۋرالى زاڭ ۇسىنۋ جوسپارلانىپ وتىر - مينيستر.
اقپارات جانە قوعامدىق دامۋ ءمينيسترى دارحان ءقىدىرالى تۇركىستان وبلىسىنداعى ب ا ق باسشىلارىمەن كەزدەسۋىندە كوپشىلىكتى بۇگىنگى كۇنى مينيسترلىك تاراپىنان اتقارىلىپ جاتقان جۇمىستارمەن تانىستىرىپ ءوتتى، دەپ حابارلايدى Almaty-akshamy.kz Elorda.info سايتىنا سىلتەمە جاساپ.
سونداي-اق جۋرناليستەردى دايىنداۋ مەن بىلىكتىلىگىن ارتتىرۋ جانە ستاتۋسىن كوتەرۋ تۇرعىسىنان جۇزەگە اساتىن جوبالار تۋرالى ايتتى.
«ماجىلىسكە ۇسىنىلۋى جوسپارلانىپ وتىرعان ماسس-مەديا تۋرالى زاڭنىڭ باسىم باعىتى بۇل جۋرناليستەردىڭ ستاتۋسىن كوتەرۋگە باعىتتالعان. بىرىنشىدەن، جۋرناليستەرگە الەۋمەتتىك جاعداي جاساۋ كوزدەلىپ وتىر. ءبىراق بۇل ءجۋرناليستىڭ ءسوز بوستاندىعىن شەكتەمەيدى. جەڭىلدەتىلگەن نەسيە الۋىنا، باسپانامەن قامتىلۋىنا مۇمكىندىك بەرەدى»، – دەدى ول.
سونداي-اق مينيستر زاڭ جوباسىنا سايكەس ب ا ق وكىلدەرىنىڭ اقپاراتقا قولجەتىمدىلىگى ارتاتىنىن ايتىپ ءوتتى.
«جۋرناليسكە بەرىلەتىن جاۋاپتىڭ مەرزىمىن قىسقارتۋدى ۇسىنىپ جاتىرمىز. جۋرناليستتىك زەرتتەۋگە قاتىستى بولاتىن كەز كەلگەن اقپاراتقا جۋرناليست جەڭىل قول جەتكىزۋى كەرەك»، - دەدى مينيستر.
كەزدەسۋدە دارحان قۋاندىق ۇلى باس رەداكتورلاردىڭ ۇسىنىستارىن تىڭداپ، اۋداندىق، قالالىق باسىلىمداردىڭ جاي-كۇيىنە قاتىستى تۋىنداعان سۇراقتارعا كەڭ كولەمدە جاۋاپ بەردى.