وسىنداي اتاۋمەن استانادا رەسپۋبليكالىق عىلىمي-تاجىريبەلىك كونفەرەنسيا ءوتتى.
شارا بارىسىندا بەلگىلى بولعانداي، الەمنىڭ 14 ەلىنەن قازاقستان تاريحىنا قاتىستى 7000-نان استام قۇجات پەن قولجازبا ساتىپ الىنعان، دەپ حابارلايدى Almaty-akshamy.kz.
ولاردىڭ حرونولوگيالىق شەڭبەرى 973 پەن 1990 جىلدار ارالىعىن قامتيدى. كونفەرەنسيادا سول قۇجاتتاردىڭ بارلىعىن عىلىمي اينالىمعا ەنگىزۋ ماسەلەسى تالقىلاندى.
بۇدان بولەك بىرنەشە كىتاپتىڭ تۇساۋى كەسىلدى. «وتانىنا ورالعان قۇجاتتىق قازىنا» جيناعى جانە احمەت بايتۇرسىن ۇلىنىڭ 150 جىلدىعىنا ارنالعان 12 تومدىق شىعارمالار جيناعى كوپشىلىكتىڭ نازارىنا ۇسىنىلدى.
«بۇل 12 تومدىقتىڭ ءبىر ەرەكشەلىگى سول، بۇل ەڭبەكتە احاڭنىڭ شىعارمالارى كيريلمەن اۋدارىلعانىمەن بىرگە قاراما-قارسى بەتتە ونىڭ سول ءتۇپ نۇسقاسى ەكەۋى قاتار بەرىلىپ وتىر. سوندىقتان احاڭنىڭ شىعارمالارى كەزىندە قانداي تارتىپپەن جازىلدى، سول كۇيىندە بەرىلەدى»، - الاشتانۋشى سۇلتان-حان اققۇل ۇلى.