ەلىمىزدە جەتىم بالالارعا قامقورشى تاعايىنداۋ ءراسىمى جەڭىلدەيدى

مەملەكەتتىك قىزمەت 19 جۇمىس كۇنى ىشىندە كورسەتىلەدى.

ق ر بعم وتباسى جانە بالالار سالاسىندا مەملەكەتتىك قىزمەت كورسەتۋ ەرەجەلەرىنە وزگەرىستەر دايىندادى، دەپ حابارلايدى Almaty-akshamy.kz Egemen.kz سىلتەمە جاساپ. 

اتاپ ايتقاندا، ەگەر كامەلەتكە تولماعان بالاعا تۋىستارىنىڭ نەمەسە وگەي اكەسىنىڭ، وگەي شەشەسىنىڭ اراسىنان دەرەۋ قورعانشى نەمەسە قامقورشى تاعايىنداۋ قاجەت بولسا، وندا قورعانشى نەمەسە قامقورشى ورگاندار بالانى پسيحولوگيالىق دايارلىقتان وتكەن ساتتەن باستاپ كۇنتىزبەلىك ءبىر جىل ىشىندە پسيحولوگيالىق دايارلىقتان وتپەي-اق قورعانشىلىقتى نەمەسە قامقورشىلىقتى بەلگىلەي الاتىندىعى تۋرالى نورما كوزدەلگەن.

تاعايىندالعان قامقورشىلار ءبىر جىل ىشىندە ءبىلىم باسقارماسىنا پسيحولوگيالىق دايىندىقتان وتكەنى تۋرالى سەرتيفيكات بەرۋى كەرەك.

ءوتىنىشتى قابىلداۋ جانە مەملەكەتتىك قىزمەت كورسەتۋ ناتيجەسىن بەرۋ «ازاماتتارعا ارنالعان ۇكىمەت» مەملەكەتتىك كورپوراسياسى مەن egov.kz ەلەكتروندىق ۇكىمەتتىڭ ۆەب-پورتالى ارقىلى جۇزەگە اسادى.

مەملەكەتتىك قىزمەت 19 جۇمىس كۇنى ىشىندە كورسەتىلەدى.

قۇجات 15 شىلدەگە دەيىن اشىق نقا سايتىندا ورنالاستىرىلعان.