ق ر دەنساۋلىق ساقتاۋ مينيسترلىگى ارنايى "جەدەل جاردەم" بريگادالارىنىڭ سانىن كوبەيتپەك.
دەنساۋلىق ساقتاۋ مينيسترلىگى حالىققا شۇعىل مەديسينالىق كومەكتىڭ ساپاسى مەن قولجەتىمدىلىگىن جاقسارتۋ ءۇشىن ۆەدومستۆونىڭ «جەدەل مەديسينالىق جاردەم، ونىڭ ىشىندە مەديسينالىق اۆياسيانى تارتا وتىرىپ كورسەتۋ قاعيدالارىن بەكىتۋ تۋرالى» 2023 جىلعى 19 قاڭتارداعى بۇيرىعىنا وزگەرىستەر ەنگىزدى، دەپ حابارلايدى اlmaty-akshamy.kz دسم سىلتەمە جاساپ.
بۇيرىققا سايكەس جەدەل جاردەم بريگاداسىنىڭ قۇرامىنا پارامەديك – العاشقى كومەك كورسەتۋ بويىنشا قوسىمشا فۋنكسيانى ورىنداي الاتىن جانە شاقىرۋلارعا قىزمەت كورسەتۋ بويىنشا جەدەل مەديسينالىق جاردەم بريگادالارىنىڭ جۇمىسىنا قاتىسا الاتىن العاشقى كومەك كورسەتۋ بويىنشا كاسىپتىك دايارلىق كۋرسىنان وتكەن ادام كىرەدى.
حالىق سانى 100 مىڭ ادامنان تۇراتىن مونوقالالاردا جەرگىلىكتى اتقارۋشى ورگانداردىڭ قالاۋىنا قاراي دەربەس جەدەل مەديسينالىق جاردەم ستانسالارى ۇيىمداستىرىلادى.
دارىگەرلىك بريگادالاردىڭ سانى قۇرامىنا مامانداندىرىلعان (دارىگەرلىك)، ونىڭ ىشىندە بالالار قارقىندى تەراپيا بريگادالارى، بەيىندى بريگادالار (كارديولوگيالىق، پەدياتريالىق) كىرەتىن بريگادالاردىڭ جالپى سانىنىڭ كەمىندە 25% قۇرايدى.
بۇگىندە ەلىمىزدە 1500-گە جۋىق جەدەل مەديسينالىق جاردەم بريگاداسى جۇمىس ىستەيدى، ونىڭ 18% - مامانداندىرىلعان دارىگەرلىك بريگادالار.
تالداۋ كورسەتكەندەي، قاناينالىم جۇيەسىنىڭ اۋرۋلارى مەن بالالارداعى اۋرۋلارعا بايلانىستى قيىندىقتار ءجيى كەزدەسەدى.
سونداي-اق، جەدەل جاردەم ستانسالارىنا مەديسينالىق اقپاراتتىق جۇيەلەرگە قولجەتىمدىلىك بەرىلەدى، بۇل ۇيلەستىرۋشى ۇيىم ءۇشىن مەديسينالىق كومەك كورسەتۋدە ينتەگراسيانى قامتاماسىز ەتەدى.
«جەدەل جاردەم ستانسالارى 10 مىڭ جانە ودان از حالىققا شاققاندا ءبىر بريگادانىڭ ەسەبىنەن بريگادامەن جاراقتاندىرىلاتىنىن، ال مەديسينالىق-سانيتاريالىق العاشقى كومەك ۇيىمدارىنداعى جمك بولىمشەلەرى حالىقتىڭ ءوتىنىشىن ەسكەرە وتىرىپ، 35 مىڭ جانە ودان از حالىققا شاققاندا ءبىر بريگادانىڭ ەسەبىنەن بريگادامەن جاراقتاندىرىلاتىنىن ەستەرىڭىزگە سالامىز»، - دەپ حابارلادى مينيسترلىكتەن.
ديسپەچەرلەردىڭ اۋىلدىق ەلدى مەكەندەردەگى شاقىرۋلارعا قىزمەت كورسەتۋى ءۇشىن اۋداندىق قوسالقى ستانسالارعا ماماندار، سونداي-اق جاقىن ماڭداعى مەديسينالىق ۇيىمداردىڭ سانيتاريالىق اۆتوكولىكتەرى تارتىلۋى مۇمكىن.
بۇل يننوۆاسيالار جمك قىزمەتىنىڭ ەل حالقىنا شۇعىل مەديسينالىق كومەك كورسەتۋدىڭ ساپاسى مەن قولجەتىمدىلىگىن جاقسارتۋعا مۇمكىندىك بەرەدى.