بايقاۋدىڭ ماقساتى – قوعامدىق پايدالانۋداعى عيماراتتاردىڭ ەكولوگيالىلىعىن، جايلىلىعىن جانە ەرگونوميكاسىن ارتتىرۋ ءۇشىن ەكولوگيالىق ءومىر سالتى، «جاسىل» جانە تومەن كومىرتەكتى تەحنولوگيالار قاعيداتتارىن ىلگەرىلەتۋ، وزىق تاجىريبەنىڭ ۇزدىك ۇلگىلەرى مەن تەحنولوگيالىق شەشىمدەرىن تاراتۋ.
بۇل تۋرالى پارلامەنتى ءماجىلىسىنىڭ دەپۋتاتى ەلدوس اباقانوۆ «جاسىل كەڭسە» ەكولوگيالىق رەسپۋبليكالىق بايقاۋىنىڭ باسپا ءسوز بريفينگىندە ايتتى، دەپ حابارلايدى Almaty-akshamy.kz Elorda.info-عا سىلتەمە جاساپ.
«جاسىل كەڭسە» بايقاۋى وسىعان دەيىن دە ءوتتى. عيماراتتاردى جاسىلداندىرۋعا تىكەلەي بايلانىستى. ولاردىڭ قورشاعان ورتاعا اسەرىن تومەندەتۋ. ەلىمىزدە بۇل قاعيدا بىرتە-بىرتە ەنگىزىلىپ جاتىر. ورتالىقتاندىرىلعان ستاندارت جوق. ءاربىر كاسىپورىن وزدەرى انىقتايدى. كەيبىرەۋى سۋدى، ەنەرگيانى ۇنەمدەۋى مۇمكىن، – دەدى ەلدوس اباقانوۆ.
بايقاۋ رەسمي تۇردە 2022 جىلدىڭ 6 مامىرىنان 5 قىركۇيەگىنە دەيىن سەگىز نوميناسيا بويىنشا باستالادى، وعان مەملەكەتتىك ورگاندار، ءبىلىم بەرۋ، دەنساۋلىق ساقتاۋ، كوممەرسيالىق جانە ساۋدا قۇرىلىمدارى، يندۋستريا، ۇەۇ وكىلدەرى قاتىسا الادى.
جوبانى ىسكە اسىرۋدىڭ 3 جىلى ىشىندە كونكۋرسقا 220 ۇيىم قاتىستى، ولاردىڭ 70ء-ى تالاپتارعا ساي جانە جەڭىمپاز اتاندى. بۇگىنگى تاڭدا ولار ءوز فيليالدارىندا «جاسىل كەڭسە» قاعيداتتارىن ەنگىزۋدى جالعاستىرۋدا.
2020 جىلدان باستاپ بايقاۋدى وتكىزۋ شەڭبەرىندە قازاقستاننىڭ ءتۇرلى وڭىرلەرىندە ەكولوگيالىق كەڭسەنىڭ قاعيداتتارىن ەنگىزۋ بويىنشا كوشپەلى سەمينارلار وتكىزىلەدى. وسى جىلى مۇنداي سەمينارلار ترەنەردىڭ قاتىسۋىمەن ءۇش وبلىستا – پاۆلودار، شىعىس قازاقستان جانە ماڭعىستاۋ وبلىستارىندا جالعاسادى.