ولجاس بەكتەنوۆ جاس مامانداردى عىلىمعا تارتۋ ءۇشىن ۋنيۆەرسيتەتتەردەگى عىلىمي زەرتتەۋلەردى بەلسەندى دامىتۋدى تاپسىردى
عىلىمدى دامىتۋ جانە سيفرلاندىرۋ ماسەلەلەرى قارالعان ۇكىمەت وتىرىسىندا اتالعان سالانى دامىتۋ جونىندەگى دايەكتى جۇمىستىڭ ناتيجەلەرى اتاپ ءوتىلدى، دەپ حابارلايدى aqshamnews.kz.
عىلىمي، عىلىمي-تەحنيكالىق جانە يننوۆاسيالىق قىزمەتتى سالاارالىق ۇيلەستىرۋ ماقساتىندا 2024 جىلى «عىلىم جانە تەحنولوگيالىق ساياسات تۋرالى» جاڭا زاڭ قابىلداندى. سونىمەن قاتار بيزنەستىڭ عىلىمعا ينۆەستيسيا سالۋىن ىنتالاندىرۋ ءۇشىن 2025 جىلدىڭ 1 قاڭتارىنان باستاپ سالىق جەڭىلدىكتەرى ەنگىزىلدى.
عالىمداردى الەۋمەتتىك قولداۋ باعىتىنا ەرەكشە كوڭىل ءبولىنىپ كەلەدى. پرەمەر-مينيستر جاس مامانداردى عىلىمي ورتاعا تارتۋدىڭ ماڭىزدىلىعىن اتاپ ءوتتى.
«عىلىمنىڭ باسىم باعىتتارى بويىنشا ىرگەلى زەرتتەۋلەرمەن اينالىساتىن عالىمدار تىكەلەي قارجىلاندىرۋعا يە بولدى. جىل سايىن 250-دەن استام جاس عالىم الەمنىڭ جەتەكشى عىلىمي ورتالىقتارىندا تاعىلىمدامادان وتەدى.دوكتورانتۋرا باعدارلامالارى بويىنشا وقۋعا مۇمكىندىك بەرەتىن ءبىلىم بەرۋ گرانتتارىنىڭ سانى ارتىپ كەلەدى. جاستاردىڭ عىلىمداعى ۇلەسى ايتارلىقتاي ءوسىپ، بۇگىندە ول 46%-دى قۇراپ وتىر. جاستاردى ودان ءارى عىلىمعا تارتۋ ءۇشىن ۋنيۆەرسيتەتتەردەگى عىلىمي زەرتتەۋلەردى بەلسەندى دامىتۋ قاجەت»،
— دەپ اتاپ ءوتتى ولجاس بەكتەنوۆ.