جىل باسىنان بەرى 98،8 مىڭ وتباسىنداعى 517،9 مىڭ ادامعا اتاۋلى الەۋمەتتىك كومەك تاعايىندالدى.
ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، بيىل وسى ماقساتقا بيۋدجەتتەن 67،3 ملرد تەڭگە ءبولىندى، دەپ حابارلايدى Almaty-akshamy.kz.
ااك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-ىنان تومەن ازاماتتارعا تاعايىندالادى.
وسى جىلدىڭ 1 قاڭتارىنان باستاپ كەپىلدەندىرىلگەن الەۋمەتتىك توپتاما كومەكتىڭ تابيعي نىسانىنان، مونەتيزاسيالاۋ فورماتىنا قوسىمشا تولەم تۇرىنە 1 جاستان 6 جاسقا دەيىنگى بالالاردى قوسا العاندا 1،5 اەك مولشەرىنە (2023 جىل – 5175 تەڭگە) اۋىستىرىلدى.
2023 جىلعى 1 شىلدەدەگى جاعداي بويىنشا ااك الۋشىلار قاتارىنداعى 1 جاستان 6 جاسقا دەيىنگى بالالاردى قوسا العاندا – 157،9 مىڭ بالاعا قوسىمشا تولەم تاعايىندالدى.
قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا جۇمىسپەن قامتۋ ورتالىعىندا، اۋىل وكرۋگىنىڭ اكىمىنە سونداي-اق egov.kz ەلەكتروندى ۇكىمەت پورتالى ارقىلى بەرە الادى.