وتاندىق فۋتبول جانكۇيەرلەر وتكەن جۇمادا «استانا-ارەنا»-عا جينالىپ، قولداۋدى كۇشەيتتى.
ستاديوندى كوك تۋمەن تولتىرىپ، ۇلتتىق ناقىشتا كيىنىپ كەلۋ دە، ويىننان سوڭ قوقىستى جيناۋ دا داستۇرگە اينالعان، دەپ حابارلايدى Almaty-akshamy.kz
جالپى، جانكۇيەر بولۋدىڭ جوعارى مادەنيەتى قالىپتاسىپ كەلەتىنى بايقالادى. ال جۇما كۇنگى ماچقا كەلسەك، ءوز الاڭىندا سان-مارينونى قابىلداپ، جەڭىسكە جەتكەن ۇلتتىق قۇراما كەزەكتى ءۇش ۇپايدى قورجىنعا سالعانى بەلگىلى. وسىلايشا، ەۋرو-عا تاعى ءبىر قادام جاقىنداي ءتۇستى. ەندى الدا ءبىر عانا ويىن.
بۇگىن قۇراما جىگىتتەرى ەل نامىسىن ارقالاپ، سلوۆەنيامەن كەزدەسەتىنىن بۇعان دەيىن حابارلاعان بولاتىنبىز. جەڭىستى جول جالعاسىپ، ۇلتتىق قۇراما گەرمانياعا جولداما السىن دەپ تىلەيىك!