ورتالىقتىڭ مەنشىك جانە پايدالانۋ قۇقىعى تجم-نە تيەسىلى بولادى.
قازاقستان سەيسمولوگيا ينستيتۋتى مەن سەيسمولوگيالىق تاجىريبە-ادىستەمەلىك ەكسپەديسياسى قايتا قۇرىلىپ، ۇلتتىق عىلىمي ورتالىققا بىرىكتىرىلەدى، دەپ حابارلايدى Almaty-akshamy.kz.
بۇل تۋرالى ۇكىمەت قاۋلىسىندا ايتىلعان.
«سەيسمولوگيا ينستيتۋتى» ج ش س جانە «سەيسمولوگيالىق تاجىريبە-ادىستەمەلىك ەكسپەديسياسى» زاڭنامادا بەلگىلەنگەن تارتىپپەن «سەيسمولوگيالىق باقىلاۋلار جانە زەرتتەۋلەر ۇلتتىق عىلىمي ورتالىعى» جشس-نا بىرىكتىرۋ جولىمەن ونىڭ جارعىلىق كاپيتالىنا مەملەكەتتىڭ 100 پايىز قاتىسۋى ارقىلى قايتا قۇرىلسىن»، - دەلىنگەن قاۋلىدا.
ورتالىق قىزمەتىنىڭ نەگىزگى باعىتتارى سەيسميكالىق ءقاۋىپتى باعالاۋ، كۇشتى جەر سىلكىنىستەرىن عىلىمي بولجاۋ، ءىرى ەلدى مەكەندەر مەن ستراتەگيالىق نىساندارداعى سەيسميكالىق ءقاۋىپتى باعالاۋ، سونداي-اق قازاقستاننىڭ سەيسميكالىق ءقاۋىپتى ايماقتارىندا كەشەندى سەيسمولوگيالىق مونيتورينگ جۇرگىزۋ بولادى.
قارجى مينيسترلىگىنىڭ مەملەكەتتىك مۇلىك جانە جەكەشەلەندىرۋ كوميتەتىنە توتەنشە جاعدايلار مينيسترلىگىمەن بىرلەسىپ، ورتالىقتىڭ جارعىلىق كاپيتالىن قايتا قۇرىلعان ينستيتۋت پەن ەكسپەديسيا مۇلكىنىڭ قۇنى ەسەبىنەن قالىپتاستىرۋ تاپسىرىلدى.